Allu Sneha Reddy : అల్లు అరవింద్ కుమారుడిగా గంగోత్రి సినిమాతో ఫిల్మ్ ఎంట్రీ ఇచ్చిన అల్లు అర్జున్ తక్కువ సమయంలోనే స్టార్ హీరోగా తనకంటూ ప్రత్యేక గుర్తింపును సొంతం చేసుకున్నాడు. పుష్ప సినిమాతో ఐకాన్ స్టార్ అల్లు అర్జున్ రేంజ్ అమాంతం పెరిపోయింది. దేశవ్యాప్తంగా విపరీతమైన ఫ్యాన్‌ ఫాలోయింగ్‌ను ఏర్పడింది. టాలీవుడ్ ఐకాన్ స్టార్ అల్లు అర్జున్ త్వరలో పుష్ప ది రూల్ మూవీలో నటించనున్న విషయం తెలిసిందే. ఇటీవల రిలీజ్ అయి బ్లాక్ బస్టర్ హిట్ అందుకున్న పుష్ప ది రైజ్ మూవీ కి సీక్వెల్ గా రూపొందనున్న ఈ మూవీని సుకుమార్ తెరకెక్కిస్తుండగా రష్మిక మందన్న హీరోయిన్ గా నటించనుంది.
దేవిశ్రీప్రసాద్ మ్యూజిక్ అందించనున్నాడు. ఇక పుష్ప 2 మూవీలో తన పాత్ర కోసం ఇప్పటికే మేకోవర్ పరంగా తనని తాను సిద్ధం చేసుకున్న అల్లు అర్జున్ ప్రస్తుతం సౌత్ ఆఫ్రికాలో ఫ్యామిలీ తో కలిసి వెకేషన్ లో ఉన్నాడు. అల్లు అర్జున్ ఫ్యామిలీకి ఎంత ప్రియారిటీ ఇస్తాడో తెలిసిందే. ఖాళీ సమయం దొరికితే చాలు.. ఫ్యామిలీతో కలిసి ట్రిప్‌ వేస్తాడు. ఎక్కువ సమయం పిల్లలతోనే గడపడానికి ప్రయత్నిస్తాడు. సినిమాల పట్ల ఎంత బిజీగా ఉన్నా.. తన ఫ్యామిలీ టైమ్ ను మాత్రం అస్సలు మిస్‌ కాడు.
ముఖ్యంగా బన్నీకి తన కూతురు అల్లు అర్హ అంటే ప్రాణం. కూతురితో ఎంత సరదాగా, ఫ్రెండ్లీగా ఉంటారో తెలిసిందే. తాజాగా ఫ్యామిలీతో కలిసి ఓ వెడ్డింగ్‌కి వెళ్లిన బన్నీ.. భార్య స్నేహరెడ్డితో కలిసి దిగిన పిక్‌ని సోషల్‌ సోషల్‌ మీడియాలో పోస్ట్‌ చేశాడు. ట్వీటర్‌తో పాటు ఇన్‌స్టా స్టోరీలో ఆ ఫోటోని షేర్‌ చేస్తూ.. హారిస్ జయరాజ్ కంపోజ్ చేసిన ఉనక్కుళ్ నాన్ సాంగ్ ని కూడా జత చేశాడు. సతీమణితో కలిసి అందంగా దిగిన ఈ ఫోటో ప్రస్తుతం సోషల్‌ మీడియాలో వైరల్ అవుతోంది.
