Daggubati Rana : హీరోగా మాత్రమే కాదు నటుడిగా కూడా మంచి గుర్తింపు తెచ్చుకున్నాడు దగ్గుబాటి రానా. కెరీర్ మొదట్లోనే తెలుగుతో పాటు పలు చిత్రాల్లో నటించాడు. ఓవైపు హీరోగా నటిస్తూనే.. మరోవైపు పాన్ ఇండియా సినిమా బాహుబలిలో విలన్ రోల్ చేశాడు. ఇక సినిమా సినిమాకు తనలోని నటుడిని పూర్తిస్థాయిలో ప్రేక్షకులకు పరిచయం చేస్తూనే ఉన్నారు రానా. ఇటీవల విడుదలైన భీమ్లా నాయక్ లోనూ తనదైన నటనతో ఆకట్టుకున్నాడు రానా. వేణు ఊడుగుల దర్శకత్వంలో చేసిన విరాటపర్వంతో చివరిసారి ప్రేక్షకులను పలకరించాడు.
ఈ సినిమాలో ఆయన నటన బాగున్నప్పటికీ కమర్షియల్ గా హిట్ కాలేదు. ఇందులో రానా యాక్టింగ్ కి మాత్రం మంచి మార్కులే పడ్డాయి. ఇక ఆయన పర్సనల్ విషయానికొస్తే రానా, మిహికాలు ప్రేమించుకున్నారు. వీరు 2020, ఆగస్టులో వివాహం చేసుకున్నారు. అయితే గత కొంతకాలంగా రానా దగ్గుబాటి-మిహికీ బజాజ్ దంపతులు పేరెంట్స్ కాబోతున్నట్లుగా ప్రచారం జరుగుతున్న సంగతి తెలిసిందే. ఇటీవలే మిహికా షేర్చేసిన ఫోటోల్లో ఆమె కాస్త బొద్దుగా కనిపించడంతో ఈ రూమర్స్ తెరపైకి వచ్చాయి. అఫీషియల్గా అనౌన్స్మెంట్ రాకముందే మిహికా ప్రెగ్నెంట్ అంటూ నెట్టింట్లో వైరలయ్యాయి.
ఇటీవలే ఆమె ఓ పాపను ఎత్తుకుని సోషల్ మీడియాలో పోస్ట్ చేయడంలో పలువురు అభినందనలు కూడా తెలిపారు. అయితే తాజాగా రానా దీనిపై స్పందించాడు. గాయని కనికా కపూర్ సైతం ఈ జంటకు అభినందనలు తెలపడంంతో రానా క్లారిటీ ఇచ్చాడు. తాను తండ్రి కాబోతున్నట్లు వస్తున్న వార్తలు అవాస్తమని అన్నాడు. తన భార్య మిహిక గర్భవతి కాదని స్పష్టం చేశాడు. దీంతో నెట్టింట్లో హల్చల్ చేస్తున్న రూమర్లకు ముగింపు పలికాడు. పెళ్లయాక రానా, మిహిక సోషల్ మీడియాలో తక్కువగా కనిపిస్తున్నారు. రానా సోషల్ మీడియాకు దూరంగా ఉంటున్న విషయం తెలిసిందే.
