కారులో తండ్రీ కూతుళ్ల షికారు.. మురిసిపోతున్న ఫ్యాన్స్‌..

అల్లు అరవింద్ కుమారుడిగా గంగోత్రి సినిమాతో ఫిల్మ్ ఎంట్రీ ఇచ్చిన అల్లు అర్జున్ తక్కువ సమయంలోనే స్టార్ హీరోగా తనకంటూ ప్రత్యేక గుర్తింపును సొంతం చేసుకున్నాడు. పుష్ప సినిమా విడుదల తర్వాత పాన్‌ ఇండియా స్టార్‌గా మారిపోయాడు బన్నీ. ఓవైపు సినిమాలో ఎంత బిజీగా ఉన్న త‌న కుటుంబానికి ఎంతో ప్రాముఖ్య‌తను ఇస్తాడు అల్లుఅర్జున్‌. బన్నీ, స్నేహారెడ్డి  ప్రేమించి పెళ్లి చేసుకున్న విష‌యం తెలిసిందే. ఈ అంద‌మైన జంట‌కు అల్లుఅయాన్ అల్లు అర్హ అనే ఇద్ద‌రు పిల్ల‌లు. ఫ్యామిలీతో కలిసి ఆయా ప్రదేశాలను చుట్టేందుకు ఇష్టపడుతుంటాడు బన్నీ.

ముఖ్యంగా అల్లు అర్జున్ కు తన కూతురు అల్లు అర్హ అంటే ప్రాణం. కూతురితో ఎంత సరదాగా, ఫ్రెండ్లీగా ఉంటాడో తెలిసిందే. అల్లు అర్హ పుట్టినప్పటి నుంచి సోషల్ మీడియా ద్వారా ఈ తండ్రీకూతురు సందడి చేస్తూనే ఉన్నారు. ఇటీవల ఇండిపెండెన్స్ డే, అలాగే గణేష్ నిమజ్జన వేడుకల్లో అల్లు అర్జున్, అర్హ అర్హ సందడి చేసిన విషయం తెలిసిందే. తాజాగా మరోసారి వీరు నెట్టింట ప్రత్యక్షమయ్యారు. ఈసారి ఏకంగా కూతురి కోసం అల్లు అర్జున్ కారులో నైట్ రైడ్ కు వెళ్లారు. ఈ సందర్భంగా నైట్ మీల్స్ తింటూ కెమెరా కంటికి చిక్కారు.

కారులోనే అల్లు అర్జున్, అర్హ అర్ధరాత్రి రుచికరమైన భోజనాన్ని ఆస్వాదించడం ఫొటోలో చూడొచ్చు. బన్నీ పాన్ ఇండియా స్టార్ అయినప్పటికీ కూతురి కోసం ఇలా అవుటింగ్ కు రావడం విశేషం. కుటుంబం పట్ల అల్లు అర్జున్ చూపుతున్న శ్రద్ధ, లవ్ అండ్ అఫెక్షన్ ను అభిమానులు ఫిదా అవుతున్నారు. ప్రస్తుతం తండ్రీకూతురు కారులో కలిసి భోజనం చేస్తున్న ఈ ఫొటో నెట్టింట వైరల్ అవుతుంది. ప్రస్తుతం అల్లు అర్జున్ పుష్ఫ 2 లో నటిస్తున్నాడు. ఇప్పటికే పూజా కార్యక్రమాలను పూర్తి చేసుకున్న ఈ మూవీ షూటింగ్ ప్రారంభమైనట్టు తెలుస్తోంది.