ఆసుప‌త్రిలో అడ్మిట్ అయిన ప్ర‌భు.. ఆందోళ‌న చెందుతున్న అభిమానులు..

న‌టుడు ప్ర‌భు గురించి తెలుగు ప్రేక్ష‌కుల‌కి ప్ర‌త్యేక ప‌రిచ‌యాలు అక్క‌ర్లేదు. చంద్ర‌ముఖి సినిమాలో ఆయ‌న న‌ట‌న‌కు తెలుగు ప్రేక్ష‌కులు బాగా క‌నెక్ట్ అయ్యారు. ఆ త‌ర్వాత కూడా ప్ర‌భు చాలా సినిమాల‌లో న‌టించి మెప్పించారు. అయితే ప్ర‌భు గత కొద్ది రోజులుగా కిడ్నీ సంబంధిత సమస్యతో బాధపడుతున్నట్లుగా తెలుస్తోంది. ఆయనకు లేజర్ సర్జరీ ద్వారా కిడ్నీలో రాళ్లను తొలగించామని..ప్రస్తుతం ఆయన ఆరోగ్యం మెరుగుపడుతున్నట్లుగా వైద్యులు చెప్పుకొచ్చారు.. మరో రెండు రోజుల్లో ఆయనను డిశ్చార్జ్ చేయనున్నట్లు తెలిపారు.

ప్ర‌భు ఆసుప‌త్రిలో అడ్మిట్ అయ్యార‌ని తెలిసి ఆయ‌న త్వరగా కోలుకోవాలని అభిమానులు కోరుకుంటున్నారు. మరోవైపు ప్రభు ఆరోగ్యం గురించి ఆయన కుటుంబాన్ని అడిగి తెలుసుకుంటున్నారు సినీ ప్రముఖులు. ప్రభు చివరిసారిగా విజయ్ దళపతి వారిసు చిత్రంలో నటించారు. ఈ ఏడాది విడుదలైన తమిళ బ్లాక్‌ బాస్టర్‌ పొన్నియన్‌ సెల్వన్‌ పార్ట్‌ 1లో కూడా ప్రభు నటించారు. ఎంతో హుషారుగా, చ‌లాకీగా ఉండే ప్ర‌భు ఇప్పుడు అనారోగ్యం బారిన ప‌డ‌డం అభిమానుల‌కి ఆందోళ‌న క‌లిగిస్తుంది. తమిళ నటుడు తిలకం శివాజీ గణేశన్ తనయుడిగా సినీ రంగ ప్రవేశం చేసిన ప్రభు.. బాలనటుడిగా ప్ర‌త్యేక గుర్తింపు తెచ్చుకున్నారు.

1982లో తన తండ్రి శివాజీ ప్రధాన పాత్రలో తెరకెక్కిన షంగిలి చిత్రంలో హీరోగా కనిపించిన ప్ర‌భు 80,90 దశకంలో హీరోగా ఓ వెలుగు వెలిగారు. ప్ర‌స్తుతం మాత్రం తెలుగ‌, త‌మిళ చిత్రాల‌లో స‌హాన న‌టుడి పాత్ర‌లు పోషిస్తూ అల‌రిస్తున్నారు. యంగ్ రెబల్ స్టార్ ప్రభాస్ నటించిన డార్లింగ్ చిత్రంలో ప్రభాస్ తండ్రిగా నటించారు. శ‌క్తి చిత్రంలో కూడా మెరిసారు. ఆయ‌న కొద్ది రోజులుగా కిడ్నీ సంబంధిత సమస్యతో బాధపడుతుండ‌గా, చెన్నైలోని కేలంబాక్కంలోని మెడ్వే ఆసుపత్రిలో యురేత్రోస్కోపీ లేజర్ సర్జరీ ద్వారా మూత్రపిండాల్లో రాళ్లను తొలగించారు.