Balakrishna : నంద‌మూరి బాలకృష్ణని బాల‌య్య అని అంద‌రు ముద్దుగా పిలుచుకుంటారు అనే విష‌యం తెలిసిందే. ఇప్పుడు ఆయ‌న సినిమాల‌తో పాటు రాజ‌కీయాల‌తో బిజీగా ఉంటూనే అన్‌స్టాపబుల్ అనే షోకి హోస్ట్‌గా వ్య‌వ‌హ‌రిస్తున్నారు. ఇటీవ‌ల వీరసింహారెడ్డి అనే టైటిల్‌తో మంచి హిట్ కొట్టిన బాల‌య్య ప్ర‌స్తుతం అనిల్ రావిపూడి డైరెక్షన్ లో తన 108వ సినిమా చేస్తున్నారు. బాల‌య్య సీనియర్ ఎన్టీఆర్ నట వారసత్వాన్ని మాత్రమే కాదు రాజకీయ వారసత్వాన్ని కూడా కొనసాగిస్తున్నారు.అయితే హిందూపూర్ ఎమ్మెల్యేగా, సినీ నటుడిగా ఉభయ తెలుగు రాష్ట్రాల ప్రజలను అలరిస్తున్నారు.
ఇక బాల‌య్య‌ను ఆయ‌న అభిమానులే కాదు. తెలుగు సినీ ల‌వ‌ర్స్ కూడా చాలా ముద్దు పేర్ల‌తో పిలుస్తుంటారు. యువ‌ర‌త్న అని, నంద‌మూరి న‌ట‌సింహం అని, బాక్సాఫీస్ బొనంజాఅని, గోల్డెన్ స్టార్ అని, బాల‌య్యఅని, ల‌య‌న్ అని ఇలా చాలా పేర్లే బాల‌కృష్ణ‌కు ముద్దుపేర్లుగా ఉన్నాయి. ఇక ఆయ‌న్ను ఎక్కువుగా బాల‌య్య అని పిలిచేవాళ్లే ఉంటారు. ఆ త‌రం జ‌న‌రేష‌న్ నంద‌మూరి అభిమానుల నుంచి నేటి త‌రం అభిమానుల వ‌ర‌కు బాల‌య్యే అని పిలుస్తూ ఉంటారు. ఇటీవ‌ల క్రికెట్ స్టేడియంలోను అలానే ఇత‌ర హీరోల సినిమాల ఫంక్ష‌న్స్‌లోను జై బాల‌య్య అనే నినాదం మార్మోగుతుంది.
రీసెంట్ బ్లాక్‌బ‌స్ట‌ర్ అఖండ అయితే ఏకంగా జై బాల‌య్యా సాంగ్ పెట్ట‌డం.. ఆ త‌ర్వాత వీరసింహారెడ్డి సినిమాలోను జై బాల‌య్య పాట పెట్ట‌డం మ‌నం చూశాం. అస‌లు బాల‌కృష్ణ‌కు బాల‌య్య అన్న ముద్దు పేరు ఎలా వ‌చ్చింది ? దీని వెన‌క స్టోరీ ఏంటో చూస్తే ఇంట్ర‌స్టింగ్ అనిపిస్తుంది. బాల‌య్య – బి. గోపాల్ కాంబినేషన్ అంటేనే వెరీ ఇంట్ర‌స్టింగ్ కాంబినేషన్. ఈ కాంబినేష‌న్లో నాలుగు హిట్ సినిమాలు వ‌చ్చాయి. ముందు లారీడ్రైవ‌ర్ ఆ త‌ర్వాత రౌడీఇన్‌స్పెక్ట‌ర్‌, స‌మ‌ర‌సింహారెడ్డి, న‌ర‌సింహానాయుడు సినిమాలు వ‌చ్చాయి. లారీడ్రైవ‌ర్ సినిమా టైంలో జొన్న‌విత్తుల పాట రాస్తున్నప్పుడు డైరెక్ట‌ర్ బి. గోపాల్ మీరు పాట ఏమైనా రాసుకోండి.. పాట‌లో మాత్రం బాల‌య్య అన్న ప‌దం వినిపించాల‌ని చెప్పార‌ట. వెంట‌నే జొన్నివిత్తుల బాల‌య్య బాల‌య్యా.. గుండెల్లో గోల‌య్యా జో కొట్టాల‌య్యా అని రాశారు. ఇలా బాల‌య్య అన్న ప‌ద‌మే ఆయ‌న ముద్దుపేరుగా స్థిర‌ప‌డిపోయింది.
