Dhanush Sir Movie : కోలీవుడ్ స్టార్ హీరో ధనుష్ గురించి ప్ర‌త్యేకంగా చెప్ప‌న‌క్క‌ర్లేదు. ఆయ‌న మొదటిసారి తెలుగు ఇండస్ట్రీలో నేరుగా చేసిన చిత్రం సార్… ప్రముఖ టాలీవుడ్ డైరెక్టర్ వెంకీ అట్లూరి దర్శకత్వంలో తెరకెక్కిన ఈ సినిమా తెలుగుతోపాటు తమిళంలో కూడా ఏకకాలంలో విడుదలై భారీ విజ‌యాన్ని అందుకుంది.”జీరో ఫీ జీరో ఎడ్యుకేషన్.. మోర్ ఫీ మోర్ ఎడ్యుకేషన్” కాన్సెప్ట్ తో వచ్చిన ఈ సినిమా ప్రేక్షకులను ఎంతో అల‌రించింది. సమాజంలో విద్యావ్యవస్థ పై జరుగుతున్న అక్రమాలకు అడ్డుకట్ట వేసినట్లు అవుతుంది ఈ సినిమా.. ఇప్పటికే చాలామంది పెద్దలు విద్య పేరిట సామాన్య ప్రజలను ఆర్థికంగా దోచుకుంటున్నారని.. వారిని మరింతగా ఇబ్బందులకు గురి చేస్తున్నారనే విష‌యాన్ని వెంకీ చాలా చ‌క్క‌గా చూపించారు.
ఈ సినిమా డిజిటల్‌ రిలీజ్ కోసం ఓటీటీ ప్రేక్షకులు ఎంతగానో ఎదురు చూస్తుండ‌గా, సార్ మూవీ ఓటీటీ రిలీజ్ డేట్ ఫిక్స్ అయినట్టు తెలుస్తోంది. ఈ సినిమా డిజిటల్‌ రైట్స్ ను నెట్ఫ్లిక్స్ సంస్థ గతంలోనే దక్కించుకున్న‌ప్ప‌టికీ రిలీజ్ డేట్ ను అనౌన్స్ చేయలేదు. అయితే ప్రస్తుతం అందుతున్న సమాచారం ప్రకారం.ఈనెల అంటే మార్చి 22 నుంచి ఈ సినిమాను తెలుగుతో పాటు తమిళ భాషల్లోనూ స్ట్రీమింగ్‌ చేయాలని నెట్ఫ్లిక్స్ సంస్థ నిర్ణయించినట్టు తెలుస్తోంది. ఈవిధంగా సార్ మూవీ మేకర్స్‌ డీల్‌ కుదిరించుకున్నట్లు సమాచారం.
ఫిబ్రవరి 17వ తేదీన మహాశివరాత్రి సందర్భంగా విడుదలైన ఈ సినిమా ప్రపంచ స్థాయిలో భారీ సక్సెస్ ను అందుకుంది. అంతేకాదు 500 మంది విద్యార్థులకు ఈసారి సినిమాను ఉచితంగా ప్రదర్శించారు థియేటర్ నిర్వాహకులు. ఫ్యామిలీ ఆడియన్స్ ..ఇటు యువత.. అటు చిన్న పిల్లల సైతం ఈ సినిమాను చూడడానికి ఆసక్తి చూపించారు. ఇప్పుడు ఓటీటీలో ఈ సినిమాకి మ‌రింత ఆద‌ర‌ణ ద‌క్కుతుందని భావిస్తున్నారు. ఒక ధనుష్ శేఖ‌ర్ క‌మ్ముల‌తో కూడా ఒక సినిమా చేయాల్సి ఉండ‌గా, ఈ చిత్రం ఎప్పుడు మొద‌ల‌వుతుందా అని అంద‌రు ఆస‌క్తిగా ఎదురు చూస్తున్నారు.
