Meena : ఛైల్డ్‌ ఆర్టిస్టుగా వెండితెరకు పరిచయమైన అందాల న‌టి మీనా.. కొన్నాళ్ల తర్వాత ఈ భామ స్టార్‌ హీరోయిన్‌గా మారింది. చిరంజీవి, బాలకృష్ణ, నాగార్జున, వెంకటేష్‌, రజనీ కాంత్, మమ్ముట్టి, మోహన్‌లాల్‌ లాంటి దక్షిణాది స్టార్‌ హీరోలతో జోడి కట్టి అగ్ర కథానాయికగా గుర్తింపు తెచ్చుకుంది. స్టార్‌ హీరోయిన్‌గా సుమారు మూడు దశాబ్దాల పాటు సినిమా ఇండస్ట్రీని ఏలిన మీనా మంచి హిట్స్ ద‌క్కించుకున్న సమయంలో వ్యాపార వేత్త విద్యాసాగర్‌తో కలిసి వైవాహిక బంధంలోకి అడుగుపెట్టింది. వీరికి నైనికా అనే పాప ఉంది. ఎంతో ఆనందంగా సాగుతున్న మీనా జీవితంలో గతేడాది తీవ్ర విషాదం చోటు చేసుకుంది.
ఆమె భర్త విద్యాసాగర్‌ అనారోగ్యంతో కన్నుమూశాడు. ఈ విషాదం నుంచి కోలుకోవడానికి మీనాకు చాలా కాలమే పట్టింది అని చెప్పాలి. అయితే ఇదే సమయంలో మీనాపై కొన్ని రూమర్లు పుట్టుకొచ్చాయి. మీనా మళ్లీ పెళ్లి చేసుకోనుందని పుకార్లు షికార్లు చేశాయి. వీటిని ఎప్పటికప్పుడు ఖండిస్తూ వస్తోన్న మీనా మరోసారి తన రెండో పెళ్లి వార్తలపై స్పందించింది. అలాగే తన ప్రొఫెషనల్‌ అండ్‌ పర్సనల్‌ లైఫ్‌ గురించి ఆసక్తికర విషయాలు పంచుకుంది. సాగర్ లేడనుకుని..అప్పుడప్పుడే కోలుకుంటున్న సమయంలో ఓ రూమర్ హల్ చల్ చేసిందన్నారు. తనకు ధనుష్ తో రెండో పెళ్లి అన్నట్లు పుకార్లు పుట్టించారు. ‘ ధనుష్.. ఐశ్వర్యకు విడాకులు ఇచ్చిన తర్వాత.. ఒంటరిగా ఉండటంతో.. అతడితో పెళ్లి జరుగుతుందని రూమర్స్ చేశారు. చాలా కోపం వచ్చింది. లేనిపోని ఎందుకు పుట్టిస్తారు.
ఒక్క మాట అడగొచ్చు కదా.. లేదు నేను చెబుతా కదా. మా కుటుంబం కూడా సఫర్ అయ్యింది. మా అత్తయ్య కూడా బాధపడింది. సెన్సేషనల్ కోసం ఏదో ఒకటి రాసేస్తున్నారు. ఆయన చనిపోవడంతో వెంటనే ఈ రూమర్ వచ్చింది. నిజం ఉంటేనే రాయండి..ఏదో ఎవరో చెప్పారని రాసేస్తున్నాను. ఎందుకు మహిళల్నే టార్గెట్ చేస్తుంటారు’ అని ప్రశ్నించింది. ప్రస్తుతం తనకు రెండో పెళ్లి చేసుకునే ఆలోచన లేదని అన్నారు. రేపే ఏమౌతుందో చెప్పలేనన్నారు. చిన్నప్పుడు అలరించిన మీనా.. టాప్ హీరోయిన్ గా మారి.. పెళ్లి తర్వాత సినిమాలకు కాస్త బ్రేక్ తీసుకుంది.
