Virupaksha Movie : మెగా మేనల్లుడు సాయి ధరమ్ తేజ్ కథానాయకుడిగా నటించిన తాజా సినిమా ‘విరూపాక్ష ఈ రోజు ప్రపంచ వ్యాప్తంగా విడుదల అయి మంచి రెస్పాన్స్ అందుకుంది. బైక్ యాక్సిడెంట్ అయిన తర్వాత సాయి తేజ్ నటించిన తొలి సినిమా కావ‌డంతో ఈ మూవీపై ప్ర‌తి ఒక్క‌రు ఆస‌క్తి చూపించారు. అయితే ఈ సినిమాని రెగ్యులర్ కమర్షియల్ కథ కాకుండా… మిస్టరీ థ్రిల్లర్ కాన్సెప్ట్ తో రూపొందించ‌డంతో సినిమా ఓ రేంజ్‌లో అప్లాజ్ అందుకుంది. థియేటర్లలో సినిమాకు మంచి రెస్పాన్స్ వస్తోంది. విడుదలకు ముందు సినిమా ఓటీటీ, శాటిలైట్ రైట్స్ అమ్మేశారు.
‘విరూపాక్ష’ డిజిటల్ స్ట్రీమింగ్ హక్కులను ప్రముఖ ఓటీటీ వేదిక నెట్ ఫ్లిక్స్ సొంతం చేసుకుంది. తమ డిజిటల్ స్ట్రీమింగ్ భాగస్వామి నెట్ ఫ్లిక్స్ అని థియేటర్లలో నిర్మాతలు తెలిపారు. ఎన్ని వారాలకు సినిమా ఓటీటీలో వస్తుంది? అనే దానిపై కొంత స‌మ‌యం ప‌డుతుంది. ఈ సినిమా థియేట్రికల్ రన్ ముగిశాక ఈ చిత్రాన్ని ఓటీటీలో స్ట్రీమింగ్ చేయనున్నట్లు చిత్ర వర్గాలు చెబుతున్నాయి. ఈ సినిమాలో అందాల భామ సంయుక్తా మీనన్ హీరోయిన్‌గా నటిస్తోండగా, ఈ సినిమాను బివిఎస్ఎన్ ప్రసాద్ ప్రొడ్యూస్ చేశారు. ఇక ‘విరూపాక్ష’ శాటిలైట్ హక్కులను ప్రముఖ టీవీ నెట్వర్క్ ‘స్టార్ మా’ సొంతం చేసుకుంది. తెలుగుతో పాటు తమిళ, కన్నడ, హిందీ, మలయాళ భాషల్లో సినిమాను రూపొందించారు.
విరూపాక్ష’ సినిమాకు సుకుమార్ శిష్యుడు కార్తీక్ దండు దర్శకత్వం వహించ‌గా, ఈ సినిమాను శ్రీ వెంకటేశ్వర సినీ చిత్ర, సుకుమార్ పతాకాలపై బాపినీడు బి సమర్పణలో బీవీఎస్‌ఎన్ ప్రసాద్ నిర్మించారు. అమెరికా ప్రీమియర్స్ నుంచి తెలుగు రాష్ట్రాల్లో ఎర్లీ మార్నింగ్ షోస్ వరకు అన్ని ఏరియాల్లో సినిమా హిట్ టాక్ సొంతం చేసుకుంది. సినిమాలో మెయిన్ ట్విస్ట్ రివీల్ చేయవద్దని చిత్ర బృందం ప్రేక్షకులకు విజ్ఞప్తి చేస్తూ వస్తుంది. ‘విరూపాక్ష’ సినిమాలో సాయి చంద్, బ్రహ్మాజీ, రాజీవ్ కనకాల, సునీల్, అజయ్, సోనియా సింగ్, రవి కృష్ణ, అభినవ్ గోమఠం, యాంకర్ శ్యామల, కామాక్షీ భాస్కర్ల, కమల్ కామరాజు తదితరులు కీలక పాత్రల్లో నటించి మెప్పించారు.
