Soniya Singh : యూట్యూబ్‌తో ఎంతో మంది ఓవ‌ర్ నైట్ సెల‌బ్రిటీలుగా మారిన విష‌యం తెలిసిందే. అలా ఓ అమ్మాయి తన వీడియోలతో యూట్యూబ్ ను షేక్ చేస్తోంది. ఆమె నటించి రిలీజ్ చేసిన వీడియోల‌కి విప‌రీత‌మైన క్రేజ్ ద‌క్కుతుంది. అయితే యూట్యూబ్‌లోనే కాకుండా పలు వెబ్ సిరీస్‌ల‌లోను నటించి ఆమె సంద‌డి చేసింది. ‘రౌడీ బేబీ’, ‘పెళ్లైన కొత్తలో’, ‘ఓయ్ పద్మావతి’ తదితర సిరీస్ లను ఆమెను గుర్తుపడుతారు. ఆమె పేరు సోనియా సింగ్. మహారాష్ట్రలోని ముంబైలో జన్మించిన సోనియా సింగ్ ప్రస్తుతం హైదరాబాద్ లో ఉంటోంది. బీటెక్ పూర్తి చేసిన తరువాత ఈమె షార్ట్ ఫిలింలల్లో నటించడం మొద‌లు పెట్టింది.
సోనియా సింగ్ మొదటిసారిగా నటించిన ‘హే పిల్ల’ అనే ఛానెల్ లోని వీడియోలు పాపురల్ కావడంతో ఫ్యాన్ష్ ఫాలోయింగ్ విపరీతంగా పెరిగారు. ఆ తరువాత కొన్నాళ్లు కనిపించకుండా పోయారు.ఆమె కోసం ఫ్యాన్స్ చాలా ఆస‌క్తిగా సోషల్ మీడియా వేదికగా పోస్టులు పెట్టారు. యూట్యూబ్ చానెల్ లో ఫేమస్ అయిన తరువాత ఈమెకు ‘యమలీల ఆ తరువాత’ అనే సీరియల్ లో నటించే అవకాశం వచ్చింది. అయితే బుల్లితెరపై హల్ చల్ చేసిన ఈమె ఇటీవల రిలీజైన ‘విరూపాక్ష’ సినిమాలో నటించింది. ఇప్ప‌టికే ఆమె పలు టీవీ షోస్ లోను క‌నిపించి మెప్పించింది.
చలాకీతనం, సహజంగా ఉండే మాటలతో ప్ర‌తి ఒక్కరిని బాగా ఆకట్టుకుంది సోనియా సింగ్ . ఇటీవల ఆమె ఇచ్చిన స్పీచ్ లు కూడా బాగా వైరల్ అయ్యాయి. విరూపాక్ష ప్రమోషన్స్ సమయంలో ఈమె మాట్లాడిన మాటలు నెట్టింట తెగ ట్రెండ్ అవుతున్నాయి. విరూపాక్ష ప్రీ రిలీజ్ ఈవెంట్‌లో ఆమె మాట్లాడిన మాట‌ల‌కు సాయి ధ‌ర‌మ్ తేజ్ తెగ ప‌గ‌ల‌బ‌డి న‌వ్వాడు. విరూపాక్ష సినిమా మంచి హిట్ కావడంతో ఈ అమ్మ‌డికి వ‌రుస సినిమా ఆఫ‌ర్స్ రావ‌డం ఖాయం అంటున్నారు. ప్రస్తుతం సోనియా పలు వెబ్ సిరీస్ లు, సినిమా షూటింగ్స్ తో బిజీగా ఉంది.
