‘రాజావారు రాణిగారు’, ‘ఎస్ఆర్ కళ్యాణ మండపం వంటి చిత్రాలతో తెలుగు ప్రేక్ష‌కుల‌ని ద‌గ్గ‌రైన హీరో కిరణ్ అబ్బవరం.ఆయ‌న తాజాగా జీఏ 2 పిక్చర్స్ సంస్థలో ‘వినరో భాగ్యము విష్ణు కథ చేశారు. మహాశివరాత్రి సందర్భంగా విడుదలైన ఈ సినిమా ఉందో ఇప్పుడు చూద్దాం. కథ విషయానికి వస్తే.. దర్శనా (కశ్మీరా ప‌ర్ధేశీ) యూట్యూబర్ కాగా, వ్యూస్ కోసం ఫోన్ నంబర్‌కు ఒక అంకె ముందు, వెనుక కి ఫోన్ చేసి వాళ్ళతో వీడియో ప్లాన్ చేస్తుంది. దర్శనా ఫోన్ నెంబర్ నైబర్స్ ఎవరంటే… ఒకరు, శర్మ (మురళీ శర్మ). ఇంకొకరు, విష్ణు (కిరణ్ అబ్బవరం). ఇలాంటి స‌మ‌యంలో దర్శనతో విష్ణు ప్రేమలో పడతాడు. శర్మ కూడా దర్శనను ప్రేమిస్తాడు.
ఒక రోజు శర్మను షూట్ చేస్తుంది ద‌ర్శ‌న. అతను మరణిస్తాడు. శర్మను దర్శనా చంపడానికి కారణం ఏంటి? విష్ణు కోసం ఎన్ఐఏ & రాయలసీమకు చెందిన ఓ మంత్రి ఎందుకు తిరుగుతున్నారు? శర్మ హత్య కేసులో జైలుకు వెళ్ళిన దర్శనను బయటకు తీసుకు రావడం కోసం విష్ణు ఎలాంటి ప‌నులు చేశాడు అనేది సినిమా చూస్తే తెలుస్తుంది.యాక్టింగ్ విషయానికి వస్తే హీరో కిరణ్ అబ్బవరం, మురళీ శర్మ గురించి మాత్రమే చెప్పుకోవాలి. ఎందుకంటే మిగతా వాళ్లకు యాక్టింగ్ చేసేంత స్కోప్ లేదు. చిత్రంలో శుభలేఖ సుధాకర్, దేవి ప్రసాద్, అమని లాంటి అద్భుతమైన నటులు ఉన్నారు. కానీ డైరెక్టర్ వాళ్ళని సరిగా ఉపయోగించుకోలేకపోయాడు.
టెక్నికల్ టీమ్ లో ముందుగా చెప్పుకోవాల్సింది సినిమాటోగ్రఫీ గురించి.. ఆయ‌న తన వరకు పూర్తి న్యాయం చేశాడు. ఉన్నంతలో విజువల్స్ నీ బాగా చూపించాడు. ఆ తర్వాత మ్యూజిక్ డైరెక్టర్ చైతన్ భరద్వాజ్ బ్యాక్ గ్రౌండ్ స్కోర్ కొన్ని సీన్స్, ఫైట్ సీన్స్ లో బాగా ఇచ్చాడనే చెప్పాలి.. పాటలు ఓకె. డైరెక్టర్ మురళీ కృష్ణ అబ్బురు స్టోరీ బాగానే అనుకున్న దాన్ని స్క్రీన్ పై ప్రజెంట్ చేయడంలో చాలా తడబడ్డాడు అనిపిస్తుంది. స్క్రీన్ ప్లే, నిడివి విషయంలో ఇంకాస్త శ్రద్ద తీసుకుని వుండాల్సింది. మొత్తంగా ఈ సినిమా ప్రేక్ష‌కుల‌కి కాస్త బోరింగ్ తెప్పిస్తుంద‌నే చెప్పాలి.
