Vijay Devarakonda Watch : అర్జున్ రెడ్డి సినిమాతో ఒక్క‌సారిగా లైమ్ లైట్‌లోకి వ‌చ్చిన యువ హీరో విజయ్ దేవ‌ర‌కొండ. ఈ సినిమా త‌ర్వాత గీతా గోవిందం వంటి మూవీతో మంచి హిట్ కొట్టిన విజయ్ ఆ త‌ర్వాత మంచి హిట్ అందుకోలేక‌పోయాడు. ఇక రీసెంట్‌గా లైగర్ సినిమా రిసల్ట్ తో డీలా పడిపోయాడు. ఎన్నో ఆశలు పెట్టుకొని చేసిన ఈ మూవీ బాక్స్ ఆఫీస్ వద్ద భారీ పరాజయాన్ని నమోదు చేయడమే కాకుండా, విజయ్ పాన్ ఇండియా ఎంట్రీని కూడా భారీగా ప్లాప్ చేసిన‌ట్ట‌యింది. దీంతో ఈ హీరో నెక్స్ట్ ప్రాజెక్ట్‌ల విషయంలో అయోమయం నెలకొని ఉంది.
లైగర్ త‌ర్వాత పూరీజగన్నాధ్ తో మొదలుపెట్టిన పాన్ ఇండియా మూవీ ‘జనగణమన’ పట్టాలు ఎక్కకుండానే గాడి తప్పింది. ప్రస్తుతం ఖుషీ అనే మూవీ చేస్తుండ‌గా ఇందులో స‌మంత క‌థానాయిక‌గా న‌టిస్తుంది. ఈ మూవీ కూడా స‌మంత అనారోగ్యం కార‌ణంగా నెమ్మ‌దిగా షూటింగ్ జ‌రుపుకుంటుంది. అయితే విజయ్ దేవ‌ర‌కొండ స్టైల్‌కి కేరాఫ్ అడ్రెస్ అనే విష‌యం మ‌నంద‌రికి తెలిసిందే. తాజాగా విజయ్ దేవరకొండకు సంబంధించిన కొన్ని ఫొటోలు నెట్టింట వైరల్ అవుతున్నాయి. ఇందుల్లో స్టైలిష్ లుక్ ను సొంతం చేసుకున్నారు.
ఈ ఫొటోలో విజయ్ ధరించిన రిస్ట్ వాచ్ ధర ప్రస్తుతం చర్చనీయాంశంగా మారింది. ఆ వాచ్ కాస్ట్ తెలుసుకున్న అభిమానులు నోరెళ్ల బెడుతున్నారు. కార్టియర్ బ్రాండ్ కు చెందిన ఆ వాచ్ విలువ రూ.30 లక్ష 43 వేలు ఉంటుందట. ఇంత కాస్ట్లీ వాచ్ ధరించడంతో విజయ్ ఫ్యాన్స్ తో పాటు మిగ‌తా హీరోల అభిమానులు ఆశ్చ‌ర్య‌పోతున్నారు. ఇక విజయ్ విష‌యానికి వ‌స్తే ఆయ‌నకు కార్లు అంటే చాలా ఇష్టం. విజయ్ కి బాగా నచ్చిన వోల్వో, బెంజ్ లాంటి టాప్ బ్రాండ్ కార్లను కొనుగులు చేసినట్టు గతంలో ఓ ఇంటర్వ్యూలో తెలిపాడు. అప్పట్లో ఓ ప్రైవెట్ జెట్ నూ కలిగి ఉన్నట్లు కూడా వార్తలు వ‌చ్చిన విష‌యం తెలిసిందే.
