Rana Naidu : విక్ట‌రీ వెంకటేష్, ద‌గ్గుబాటి రానా ప్ర‌ధాన పాత్ర‌ల‌లో రూపొందిన వెబ్ సిరీస్ రానా నాయుడు. నిజ జీవితంలో బాబాయ్.. అబ్బాయ్గా ఉన్న వీరు.. వెబ్ సిరీస్‌లో తండ్రి కొడుకులుగా నటించారు. ఈ సిరీస్‌లో రానా పవర్ ఫుల్ పోలీస్ ఆఫీసర్ కాగా.. నేరం చేసి 14 ఏళ్లు జైలు శిక్ష అనుభవించి బయటకు వచ్చిన క్రిమినల్ గా వెంకీ కనిపించాడు. తండ్రిని విపరీతంగా ద్వేషించే కొడుకు పాత్ర‌లో రానా త‌న న‌ట విశ్వ‌రూపం చూపించాడు. మార్చి 10 నుంచి ప్రముఖ ఓటీటీ ప్లాట్ ఫాం నెట్ ఫ్లిక్స్లో స్ట్రీమింగ్ అవుతున్న రానానాయుడుకు సిరీస్ కు మంచి రెస్పాన్స్ వస్తోంది.
రానా నాయుడు వెబ్ సిరీస్ కోసం ఇందులో ప్ర‌ధాన పాత్రలు పోషించిన వెంకటేష్, రానాకి భారీగా రెమ్యునరేషన్ ఇచ్చిన‌ట్టు తెలుస్తుంది. ‘రానా నాయుడు’ వెబ్ సిరీస్ లో నటించినందుకు కాను…వెంకటేష్ కు 12కోట్లు తీసుకోగా, రానాకు 8 కోట్లు దాకా ఇచ్చారని తెలుస్తోంది. రెగ్యులర్ గా వెంకటేష్ కు 10 కోట్లు తీసుకుంటాడు. కాని ఈ వెబ్ సిరీస్ కోసం 12 కోట్ల రూపాయ‌లు తీసుకున్నాడ‌ని స‌మాచారం. ఇది ఒక డార్క్ ఫ్యామిలీ కథ కాగా, ఈ సినిమాని ఫ్యామిలీతో కలిసి చూసేలా ఉండ‌దు. ఇందులో డైలాగ్స్ దారుణంగా ఉంటాయి. తొలిసారి వెంకీ ఇలాంటి డైలాగ్స్ మాట్లాడ‌డంతో అంద‌రు అవాక్క‌య్యారు.
హిందీలో తెరకెక్కిన ఈ సిరీస్ కరణ్ అన్షుమాన్, సుపర్ణ్ ఎస్.వర్మ దర్శకత్వం వహించారు. ఈ సిరీస్ ను సుందర్ ఆరోన్, లోకోమోటివ్ గ్లోబల్ నిర్మించారు. ఈ సిరీస్ లోని వెంకీ, రానా పాత్రలు నిజ జీవితాలకు పూర్తి భిన్నమైనవని.. ఇందులో చాలా డార్క్ షేడ్స్ ఉంటాయని.. ఈ సిరీస్ ను ఒంటరిగానే చూడాలని.. ఫ్యామిలీతో మాత్రం కలిసి చూడొద్దంటూ ప్రచార కార్యక్రమాల్లో రానా విజ్ఞప్తి చేసిన సంగతి తెలిసిందే.ఇక రానాకి కొంత కాలంగా స‌రైన స‌క్సెలు లేక‌పోగా, ఈ వెబ్ సిరీస్‌తో మంచి విజ‌యాన్ని త‌న ఖాతాలో వేసుకున్నాడ‌నే చెప్పాలి.
