Upasana Konidela : మెగా ప‌వ‌ర్ స్టార్ రామ్ చరణ్ స‌తీమణి ఉపాసన త్వ‌ర‌లో పండంటి బిడ్డ‌కు జ‌న్మ‌నివ్వబోతున్న విష‌యం తెలిసిందే. ప్రస్తుతం ప్రెగ్నెన్సీ పీరియడ్ ను ఆస్వాదిస్తున్న ఉపాసన.. ‘మెటర్నిటీ స్టైల్’ కొనసాగిస్తున్నారు. నిజానికి మహిళలు ప్రెగ్నెన్సీ టైమ్‌లో తమ ప్రొఫెషనల్‌ లైఫ్‌కు కొన్నాళ్లు గ్యాప్ ఇచ్చి వీలైనంత వరకు ప్రయాణాలు కూడా తగ్గించుకుంటారు. కానీ ఈ విషయంలో ఉపాసన మాత్రం వినూత్నంగా ఆలోచిస్తున్నారు. ఇక త‌ను తీసుకునే ఆహారం, ధ‌రించే బ‌ట్ట‌ల‌ల విష‌యంలోను ఉపాసన కొత్త‌గా ఆలోచిస్తుంది. అయితే సింపుల్ యాక్సెసరీస్‌తో క్లాసిక్ లుక్‌లో కనిపించే ఉపాసన.. తన ఫేవరెట్ యాక్సెసరీ గురించి తాజా ఇంటర్వ్యూలో వివ‌రించింది.
ఎవిల్ ఐ బ్రేస్‌లెట్ (దిష్టిని తగ్గించే) లేకుండా తన స్టైలింగ్ పూర్తవదని చెప్పింది ఉపాసన. ప్రతి మహిళ ఈ బ్రాస్‌లెట్ కలిగి ఉండటం చాలా ముఖ్యమని తాను భావిస్తున్నట్లుగా చెప్పుకొచ్చింది. ముఖ్యంగా ఇది ‘దిష్టి లేదా చెడు కన్ను’ నుంచి రక్షించడంలో ఎంతో సాయపడుతుందని పేర్కొంది. తన రెగ్యులర్ స్టైల్‌కు సంబంధించి ముందుగా కంఫర్ట్ చూసుకున్న త‌ర్వాతే ఇతర విషయాల గురించి ఆలోచిస్తానంటోంది ఉపాసన. అంతేకాదు అన్నింటికంటే మించి మన వ్యక్తిత్వమే మాట్లాడాలనేది తన ఒపీనియన్‌ అని పేర్కొంది.
రీసెంట్‌గా హైదరాబాద్‌లో జరిగిన జువెలరీ లాంచ్ ఈవెంట్‌లో పాల్గొన్న ఉపాసన తన లుక్ గురించి ఆస‌క్తిక‌ర విష‌యాలు వెల్ల‌డించింది.. దుస్తులను శరీరానికి తగినట్లుగా, జువెలరీని తన మూడ్‌కు అనుగుణంగా ధరిస్తానని పేర్కొంది. కశ్మీర్, స్వీడన్ నుంచి వచ్చిన వాటిని ధరించడం తనకు ఇష్టమని పేర్కొన్న మెగా కోడలు.. జోయా కలెక్షన్స్ కూడా ఇదే రకంగా ఉండటం సంతోషంగా ఉంంటుంద‌న్నారు. కాగా, వెకేషన్‌ కోసం దుబాయ్ వెళ్లిన రామ్ చరణ్ దంపతులు.. రీసెంట్‌గా తిరిగొచ్చారు. అక్కడే ఉపాసన ఫ్రెండ్స్, కజిన్స్ తనకు శ్రీమంతం వేడుక నిర్వహించారు. అందుకు సంబంధించిన ఫొటోలు, వీడియోలు నెట్టింట తెగ వైరల్ అయ్యాయి.
