Pawan Kalyan Hoodie Price : ప‌వ‌ర్ స్టార్ పవన్ కళ్యాణ్ ప్ర‌స్తుతం సినిమాలు చేస్తూనే మ‌రోవైపు రాజకీయాల‌లోను త‌న‌దైన ముద్ర వేస్తున్నారు. అయితే రాజకీయాల‌తో ఎంత బిజీగా ఉన్నా కూడా త‌ను క‌మిటైన సినిమాలు పూర్తి చేసే ప‌నిలో ఉన్నాడు. టాలీవుడ్‌లోని ఏ స్టార్ హీరో చేయని విధంగా కొద్ది రోజుల గ్యాప్‌లోనే నాలుగైదు ప్రాజెక్టులను చేస్తూ ఫుల్ జోష్‌లో క‌నిపిస్తున్నాడు. ప్ర‌స్తుతం పవన్ కల్యాణ్ ఓజీ అనే (ఒరిజినల్ గ్యాంగ్‌స్టర్) అనే సినిమాను కూడా చేస్తున్నాడు. సాహో ఫేం సుజిత్ తెరకెక్కించే ఈ చిత్రంపై ఆరంభంలోనే అంచనాలు తారాస్థాయిలో నెలకొన్నాయి.
ఓజీ మూవీని వీలైనంత వేగంగా పూర్తి చేయాలని చిత్ర యూనిట్ భావిస్తోంది. అయితే రీసెంట్‌గా ఈ మూవీ షూటింగ్ ముంబైలో మొద‌లు కాగా, చిత్ర యూనిట్ సోషల్ మీడియా ద్వారా వెల్లడించింది. అంతేకాదు, ఓ ఆర్ట్‌ను కూడా షేర్ చేసి ‘ఓజీ కోసం పక్కకు తప్పుకోండి’ అంటూ వార్నింగ్ ఇచ్చేలా పోస్ట్ చేసింది. ఇక, ఈ షెడ్యూల్‌లో పవన్ కల్యాణ్ సహా మెయిన్ లీడ్ చేస్తోన్న చాలా మంది ప్రముఖులపై కొన్ని కీలకమైన సన్నివేశాలు తీస్తారని టాక్. అయితే షూటింగ్‌లో భాగంగా పవన్ బ్లాక్ కలర్ హుడీ వేసుకుని వచ్చారు. దీని డీటైల్స్ ఇప్పుడు చ‌ర్చ‌నీయాంశంగా మారాయి.
‘మెన్స్ డన్ బ్రూక్ బ్లాక్ కమో న్యూ ఓర్లీన్స్ సెయింట్ లోగో రేంజర్ పుల్ ఓవర్ హుడీ‘ పేరుతో సెయింట్స్ ప్రో షాప్ వెబ్ సైట్ లో ఇది 60 డాలర్లకు అందుబాటులో ఉంది. మన కరెన్సీ ప్రకారం చూసుకుంటే.. దాదాపు 5 వేలు. షిప్పింగ్ కోసం మరో రూ.2,500 వేల ఛార్జ్ చేస్తారని స‌మాచారం. మొత్తంగా రూ.7,500 అవుతుందనమాట. బాబోయ్ ఒక్క హుడీనే అంత ధ‌ర ఉందా అని అంద‌రు ఆశ్చ‌ర్య‌పోతున్నారు. ఇక పవన్ కల్యాణ్ హీరోగా సుజిత్ రూపొందించే ఈ సినిమాను ఆర్ఆర్ఆర్ ప్రొడ్యూసర్ డీవీవీ ఎంటర్‌టైన్‌మెంట్స్ బ్యానర్‌పై దానయ్య నిర్మిస్తున్నారు. ఇందులో ప్రియాంక అరుల్ మోహన్ క‌థానాయిక‌గా న‌టిస్తుంది.
