Klinkara : దాదాపు 11 ఏళ్ల త‌ర్వాత రామ్ చరణ్, ఉపాసన దంప‌తులు త‌ల్లిదండ్రుల ప్ర‌మోష‌న్ అందుకున్న విష‌యం తెలిసిందే. జూన్ 20న ఉపాసన పండంటి బిడ్డ‌కు జ‌న్మ‌నివ్వ‌గా, జూన్ 30న బార‌సాల వేడుక నిర్వ‌హించారు. ఈ వేడుకలో తమ మ‌న‌వ‌రాలికి క్లింకారా అనే పేరు పెట్టిన‌ట్టు చిరంజీవి తన సోషల్ మీడియా ద్వారా తెలియ‌జేశారు. ఈ పేరు ఉపాస‌న‌కి పెట్టాల‌ని ఆమె త‌ల్లి అనుకోగా అది కుద‌ర‌లేదు. మ‌న‌వ‌రాలికి పెట్ట‌డంతో శోభ‌న చాలా ఖుషీ అయింది. ఇక తమ కుమార్తె ఆల‌నాపాల‌న‌లో ఏ మాత్రం లోటు లేకుండా చూసుకుంటున్నారు మెగా దంప‌తులు.
తమ కుమార్తె అత్యుత్తమంగా మంచి వాతావరణంలో పెరిగేలా ఉపాసన, చరణ్ అన్ని జాగ్రత్తలు తీసుకుంటున్న నేప‌థ్యంలో ఒక ప్రత్యేక గదిని బెస్ట్ ఇంటీరియర్ డిజైన్ తో రెడీ చేశారు. చిన్నారి పెరిగేందుకు మంచి వాతావరణం ఉండేలా.. పిల్లలు కోరుకునే బొమ్మలు ఉండేలా ఈ గదిని డిజైన్ చేశారు. ఈ వీడియో ఉపాసన సోషల్ మీడియాలో షేర్ చేయ‌డంతో ఇప్పుడు ఈ వీడియో వైరల్ గా మారింది. పవిత్ర రాజారామ్ అనే ఆర్కిటెక్ట్ తో ఉపాసన ఈ డిజైన్ రెడీ చేశారు. ఉపాసన ఆమెకి తమ పాప కోసం ఫారెస్ట్ థీమ్ లో ఉండే డిజైన్ కావాలని కోరారట. పిల్లలు కోరుకునే విధంగా ఫారెస్ట్ లోనే వివిధ జంతువుల బొమ్మలు, చెట్లు ఉండే బోర్డులు, సాఫ్ట్ గా వైట్ థీమ్ లో ఉండే సోఫాలు మ్యాట్ లు, టేబుల్స్ ఇలా ఆహ్లాద భరితంగా గదిని డిజైన్ చేయించారు.
ఇక పాప రూమ్‌లో ఉండే క‌ప్‌బోర్డ్స్ లో వివిధ జంతువుల బొమ్మలు ఉండేలా తీర్చి దిద్దారు. రూమ్ చాలా ప్ల‌జెంట్‌గా ఉండేలా తీర్చిదిద్ద‌గా ఇప్పుడు ఈ వీడియో మాత్రం ప్రతి ఒక్క‌రి దృష్టిని ఆక‌ర్షిస్తుంది. అయితే బేబీ పెరిగే కొద్దీ అల్లరి చేస్తే రూమ్ మొత్తం ధ్వంసం అవుతుంది.. చిందర వందరగా మారుతుంది అని కామెంట్స్ చేస్తున్నారు.ఇక ఇన్నాళ్లు తన భార్య‌తోనే ఉన్న రామ్ చరణ్ ఇక తన త‌దుప‌రి సినిమాలు శ‌ర‌వేగంగా పూర్తి చేసే ప‌నిలో ప‌డ్డాడు. గేమ్ చేంజ‌ర్ చిత్రం శంక‌ర్ ద‌ర్శ‌క‌త్వంలో తెర‌కెక్కుతుండ‌గా, ఈ సినిమా పూర్తైన త‌ర్వాత బుచ్చిబాబు ద‌ర్శ‌క‌త్వంలో ఓ మూవీ చేయ‌నున్నాడు.
