Upasana : రానున్న రోజుల‌లో మెగా ఇంట వ‌రుస వేడ‌కుల జ‌ర‌గ‌బోతున్నాయి. మెగా కోడలు ఉపాసన కొణిదెల ప్రస్తుతం గర్భంతో ఉన్న సంగతి తెలిసిందే. ఈ క్ర‌మంలో ఉపాస‌న‌కి వ‌రుస సీమంతం వేడుకలు జ‌రుప‌బోతున్నారు. ఇంతకు ముందు ఫ్రెండ్స్ అంతా ఉపాసనకు సీమంతం జరపగా.. రీసెంట్ గా దుబయ్ లో ఉపాసన సిస్టర్స్ ఈ వేడుకను జరిపించారు.. తాజాగా.. తమ ఇంటి కోడలికి మెగాస్టార్ చిరంజీవి గ్రాండ్ గాసీమంతం వేడుకలు జరిపారు. ఇక ఈక్రమంలో ఉపాసన తనకు పుట్టబోయే బిడ్డ గురించి అలాగే తన డెలివరీ గురించి పలు ఆసక్తికరమైన విషయాలను వెల్ల‌డించింది.
తనకు జులై నెలలో డెలివరీ డేట్ ఇచ్చారని అప్పుడే బిడ్డకు జన్మనివ్వబోతున్నానని ఉపాసన చెప్పుకొచ్చింది. తాజాగా చిరు ఇంట్లో ఉపాసనకు జరిగిన సీమంతపు వేడుకలకు సంబంధించిన ఫోటోలను సోషల్ మీడియాలో షేర్ చేసిన ఉపాసన తనకు పుట్టబోయే బిడ్డ గురించి కూడా మాట్లాడుతూ.. ‘ప్రతి తల్లిదండ్రుల లాగానే మేం కూడా ఎంతో ఎక్సైటెడ్‌గా ఉన్నాం.’ అని ఉపాసన పేర్కొన్నారు. అలాగే తను గర్భంతో ఉన్నప్పుడు భర్త రామ్ చరణ్ ఎంత సపోర్ట్ చేశాడో కూడా చెప్పారు. ‘పుట్టబోయే బిడ్డకు పూర్తి స్వేచ్చని ఇస్తాం. అయితే దాంతో పాటు గైడ్ లైన్స్, బాధ్యతలు కూడా ఉంటాయి. ఎందుకంటే కొన్నిసార్లు స్టార్‌డమ్‌తో పాటు కొండంత బాధ్యత కూడా వస్తుంది. దాని విలువ దానికి ఇవ్వాల్సిందే అని ఉపాసన పేర్కొంది.
ఉపాసన ప్రెగ్నెంట్ అని చెప్పిన దగర్నుంచి చరణ్ షూటింగ్ లేకపోతే ఉపాసనతోనే టైం గడుపుతున్నాడు. ఉపాసనతో కలిసి ట్రిప్స్ వేస్తున్నాడు. త్వరలో చరణ్ – శంకర్ సినిమా గేమ్ ఛేంజర్ షూట్ ఉండబోతుంది. ఆ షెడ్యూల్ అయిన తర్వాత ఉపాసన డెలివరీ అయ్యేవరకు చరణ్ షూటింగ్స్ కు బ్రేక్ ఇస్తాడని టాక్. మొదటిసారి ఉపాసన ప్రెగ్నెంట్ కావడంతో, డెలివరీ టైంలో ఉపాసన దగ్గరే ఉండాలని, ఉపాసనకు టైం ఇవ్వాలని చరణ్ భావిస్తున్నాడని, అందుకే ప్రస్తుతం ఓకే చేసిన షూటింగ్ షెడ్యూల్ ని పూర్తి చేసి ఉపాసన డెలివరీ అయ్యేవరకు తన సినిమా షూటింగ్స్ కి బ్రేక్ ఇస్తాడని చెబుతున్నారు.
