Upasana : టాలీవుడ్ మోస్ట్ ల‌వ‌బుల్ క‌పుల్స్‌లో రామ్ చరణ్- ఉపాసన జంట ఒక‌టి. వీరిద్దరూ తమ ప్రేమ గురించి ఇంట్లో పెద్దలతో చర్చించి పెళ్లి చేసుకున్నారు. వారి ప్రేమను అర్థం చేసుకున్న ఇరు కుటుంబాలు వివాహం చేశారు. పెళ్ళైనప్పటికీ రామ్ చరణ్ నటుడుగా, ఉపాసన బిజినెస్ ఉమన్ గా ఫుల్ బిజీ. అపోలో హాస్పిటల్స్ చైర్ పర్సన్ గా ఉపాసన ఉన్నారు. అలాగే బి పాజిటివ్ పేరుతో ఓ ఫ్యాషన్, హెల్త్ మ్యాగజైన్ ను ఆమె నిర్వహిస్తున్నారు. మ‌రోవైపు సేవా కార్య‌క్ర‌మాల‌లోను చాలా యాక్టివ్‌గా పాల్గొంటుంది ఉపాసన.
మెగా పవర్ స్టార్ రామ్ చరణ్-ఉపాసన పెళ్లి చేసుకొని 10 సంవత్సరాలైంది. అయితే ఇప్పటికి వీరికి పిల్లలు లేరు. ప్రతి సారి చాలా మంది ఉపాసనని పిల్లలు ఎప్పుడు అని అడుగుతూ ఉంటారు. ఆమె ఇన్‌డైరెక్ట్‌గా స‌మాధానం ఇస్తూ వ‌స్తుంది. ఇటీవ‌ల ఇషా ఫౌండేషన్‌ స్థాపకులు, ఆధ్యాత్మిక గురువు సద్గురు నిర్వహించిన సేవ్ సాయిల్ కార్యక్రమంలో ఉపాసన పాల్గొనగా పిల్లలు అంశంపై మాట్లాడారు. ఈ కార్యక్రమంలో ఉపాసన మాట్లాడుతూ.. మా పెళ్లై పదేళ్లయింది. నా వివాహ బంధం చాలా ఆనందంగా ఉంది. కానీ కొంతమంది నా RRR (రిలేషన్‌షిప్‌, రీప్రొడ్యూస్‌, రోల్‌ ఇన్‌ మై లైఫ్‌) గురించి అడుగుతూ ఉంటారు. పిల్లల్ని ఎప్పుడు కంటావని ప్రశ్నిస్తారు. ఈ పరిస్థితి నా ఒక్కదానికే కాదు చాలా మంది మహిళలకు ఎదురవుతోంది.. అని తెలిపింది.
ఇక తాజాగా గణేష్ నిమజ్జనం సందర్భంగా ఉపాసన తన డ్రైవర్ ఇంటికి గణేష్ నిమజ్జన కార్యక్రమానికి వెళ్లారు. ఆ స‌మ‌యంలో ఉపాసన బేబి బంప్ స్ప‌ష్టంగా క‌నిపించింది. దీంతో త్వ‌ర‌లో రామ్ చరణ్ దంప‌తులు గుడ్ న్యూస్ చెప్ప‌బోతున్నారంటూ ప్ర‌చారం జ‌రుగుతుంది. మ‌రి ఇందులో ఎంత నిజం ఉంద‌న్న‌ది రానున్న రోజుల‌లో తెలియ‌నుంది.
