Actors : సినిమా ప‌రిశ్ర‌మ‌లోకి అడుగుపెట్టి మంచి పేరు ప్ర‌ఖ్యాత‌లు సంపాదించుకోవాల‌ని ప్ర‌తి ఒక్క‌రు ఉవ్విళ్లూరుతుంటారు. ఒక్క అవ‌కాశం వ‌చ్చిన స‌రే ఆ అవ‌కాశాన్ని స‌ద్వినియోగం చేసుకోవాల‌ని ఉబ‌లాట‌ప‌డుతుంటారు.ఈ క్ర‌మంలో విల‌న్ పాత్ర‌లు అయిన స‌రే, చిన్న చిన్న క్యారెక్ట‌ర్స్ అయిన స‌రే ఓకే చెప్పేస్తారు. అయితే మొద‌ట విల‌న్ గా న‌టించి ఆ త‌ర‌వాత హీరోగా ఎంట్రీ ఇచ్చేవారు మాత్రం అతిత‌క్కువ మంది ఉంటారు. ఇలా టాలీవుడ్ లో అలా కొంత‌మంది హీరోలు మొద‌ట విల‌న్ పాత్ర‌లు వేసి ఆ త‌ర్వాత హీరోలుగా మెప్పిస్తున్నారు.
ముందుగా మెగాస్టార్ చిరంజీవిని తీసుకుంటే ఆయ‌న ఇది క‌థ కాదు, మెస‌గాడు స‌హా మరికొన్ని సినిమాల్లో విల‌న్ గా న‌టించాడు. ఆ త‌ర‌వాత చిరు టాలెంట్ చూసి హీరో అవ‌కాశాలు ఇస్తే ప్ర‌స్తుతం మెగాస్టార్‌గా ఇండ‌స్ట్రీనే ఏలే స్థాయికి ఎదిగాడు. ఆయ‌న ఇప్ప‌టికీ కుర్ర హీరోల‌కి పోటీగా సినిమాలు చేస్తూ దున్నేస్తున్నాడు. వ‌రుస సినిమాల‌తో అద‌ర‌గొడుతున్నారు. ఇక డైలాగ్ కింగ్ మోహ‌న్ బాబు స్వ‌ర్గం న‌ర‌కం సినిమాతో ఎంట్రీ ఇచ్చాడు. మోహ‌న్ బాబు కూడా కెరీర్ ప్రారంభంలో ప‌వ‌ర్ ఫుల్ విల‌న్ గా రాణించ‌ని ఆ త‌ర‌వాత హీరోగా అవ‌కాశాలు రావ‌డం, మంచి హిట్స్ సాధించ‌డంతో క‌లెక్ష‌న్ కింగ్ గా ఎదిగాడు. ఇటీవ‌ల స‌పోర్టింగ్ క్యారెక్ట‌ర్స్ కూడా చేస్తున్నారు.
ఇక మ్యాచో హీరో గోపిచంద్ తొలివ‌ల‌పు సినిమాలో హీరోగా న‌టించ‌గా, ఆ సినిమా అనుకున్న మేర స‌క్సెస్ అవ్వ‌లేదు. కానీ జ‌యం సినిమాలో విల‌న్ గా న‌టించి మెప్పించి, ఆ త‌ర‌వాత హీరోగానూ సినిమాలు చేసి స‌క్సెస్ అయ్యాడు. హీరో రాజ‌శేఖ‌ర్ కూడా కెరీర్ మొద‌ట్లో తలంబ్రాలు సినిమాలో విల‌న్ గా న‌టించాడు. ఈ సినిమాలో త‌న న‌ట‌న‌కు నంది అవార్డును సైతం ద‌క్కింది.. ఆ త‌ర‌వాత హీరోగా మంచి సినిమాలు చేయ‌గా, అవి స‌క్సెస్ అయిన సంగ‌తి తెలిసిందే.ఇక జేడీ చ‌క్ర‌వ‌ర్తి కూడా కెరీర్ ప్రారంభంలో విల‌న్ పాత్ర‌ల్లో న‌టించి మెప్పించాడు. కానీ ఆ త‌ర‌వాత హీరోగా విల‌న్ గానూ సినిమాలు చేస్తున్నాడు. ప్ర‌స్తుతానికి మాత్రం పెద్ద‌గా సినిమాలు చేస్తున్న దాఖ‌లాలు లేవు.
