Shiva Krishna On Rana Naidu : విక్టరీ వెంకటేష్, రానా ప్ర‌ధాన పాత్ర‌ల‌లో రూపొందిన వెబ్ సిరీస్ రానా నాయుడు. ఇందులో డబుల్ మీనింగ్ డైలాగులు, బూతు సీన్స్ ఫ్యామిలీ ఆడియ‌న్స్‌కి చాలా ఇబ్బందిని క‌లిగిస్తున్నాయి. సిరీస్‌కి మంచి రెస్పాన్స్ వ‌చ్చిన‌ప్ప‌టికీ ఇందులోని కంటెంట్ కొంత మందికి మాత్రం చాలా ఇబ్బందిని క‌లుగ‌జేస్తుంది. రిలీజ్‌కి ముందు ట్రైలర్ చూసి ఇది తండ్రి, కొడుకుల మధ్య టామ్ అండ్ జెర్రీ గేమ్ లా సీరియస్ గా ఉండే సిరీస్ అని అంద‌రు భావించారు. కానీ రిలీజ్ తర్వాత ఈ సిరీస్ పై దారుణంగా విమర్శలు వస్తున్నాయి.
వెంకటేష్ ఫ్యామిలీ హీరో కావడంతో ఆయ‌న సినిమాల మాదిరిగానే ఈ వెబ్ సిరీస్ ఉంటుందని చాలా మంది ఈ సిరీస్ ను చూశారు. సాధారణంగా నెట్ ఫ్లిక్స్ సిరీస్ లలో బూతులు, బోల్డ్ కంటెంట్ ఉంటుందని తెలిసిందే కానీ తెలుగు హీరోలని తీసుకొని ఈ రేంజ్ లో అడల్ట్ కంటెంట్ పెట్టి తీయడంతో తెలుగు ప్రేక్షకులు, ముఖ్యంగా వెంకటేష్ అభిమానులు జీర్ణించుకోలేకపోతున్నారు. తాజాగా ప్రముఖ సీనియర్ నటుడు శివకృష్ణ దీనిపై అసహనం వ్యక్తం చేశారు. గతంలో సెన్సార్ బోర్డు సభ్యుడుగా పనిచేసిన ఈయన తాజాగా రానా నాయుడు వెబ్ సిరీస్ పై మండిప‌డుతూ.. ఓటీటీ కంటెంట్ కి కూడా సెన్సార్ ఉండాలని తెలిపారు.
ఓ వెబ్ సిరీస్ చూసిన‌ప్పుడు నాకు అది వెబ్ సిరీస్ లా అనిపించ‌లేదు. అది ఆల్మోస్ట్ బ్లూ ఫిలిం అని చెప్పొచ్చు. ఈ మధ్య కాలంలో అంత దారుణమైన కంటెంట్ చూడలేదు. అందులో కొన్ని సీన్స్ అయితే మరీ దారుణం.గా ఉన్నాయి. భార్య, భర్తలు బెడ్ రూమ్ లో ఉన్నప్పుడు పిల్లలు చూడటమేంటి. దేశం ఆర్ధికంగా పతనమైనా కోలుకుంటుంది. కానీ సంసృతి పరంగా పతనమైతే అస్స‌లు కోలుకోలేదు. సినిమాల్లో బూతులు, అడల్ట్ కంటెంట్ ఉంటే థియేటర్స్ కి వచ్చిన వాళ్ళకే తెలుస్తుంది. అదే వెబ్ సిరీస్ లు అలా కాదు. ఇంట్లో అందరూ చూసేవి. ఈ మధ్య సిరీస్ లలో అందరూ ఇలాంటి కంటెంట్ ఎక్కువగా పెడుతున్నారు అంటూ రానా నాయుడిని ఉద్దేశించి ఇన్‌డైరెక్ట్ వ్యాఖ్య‌లు చేశారు శివకృష్ణ.
