Sreeleela : నాకు నాన్న లేడు.. బాల‌య్య కండ్లలో నీళ్లు తెప్పించిన శ్రీలీల‌..

Sreeleela : బాలకృష్ణ కథానాయకుడిగా అనీల్ రావిపూడి తెర‌కెక్కించిన చిత్రం ‘భగవంత్‌ కేసరి’ . ఈ చిత్రంలో బాలకృష్ణకు జోడీగా కాజల్‌ అగర్వాల్‌ నటించారు. శ్రీలీల ముఖ్యభూమిక పోషించారు. కాగా, ఈ చిత్ర ట్రైలర్‌ విడుదల కార్యక్రమాన్ని ఆదివారం రాత్రి హనుమకొండలో నిర్వహించారు. బాలకృష్ణ, కాజల, శ్రీలీల సహా చిత్ర యూనిట్‌ పాల్గొన్నారు. ఈ సందర్భంగా శ్రీలీల, కాజల్‌ స్టేజ్‌పై బతుకమ్మ ఆడిపాడారు. ఇందుకు సంబంధించిన వీడియో ప్రస్తుతం వైరల్ అయింది. అఖండ, వీరసింహారెడ్డి చిత్రాలకు గూస్‌ బంప్స్‌ తెప్పించే బీజీఎం, బ్యాక్ గ్రౌండ్ స్కోర్‌ అందించిన ఎస్‌ థమన్‌ మరోసారి సంగీతం అందిస్తుండటంతో ఈ చిత్రంపై అంచనాలు అమాంతం పెరిగిపోతున్నాయి.

చిత్రంలో బాల‌య్య కూతురిగా శ్రీలీల న‌టించింది. ఆమె ఈవెంట్‌లో చాలా ఎమోష‌న‌ల్‌గా మాట్లాడింది. సినిమా గురించి మాట్లాడిన అనంతరం బాలయ్యతో ఉన్న అనుబంధం గురించి మాట్లాడింది. శ్రీలీల తండ్రి ఆమె చిన్నప్పుడే వాళ్ళ అమ్మతో విడాకులు తీసుకొని దూరంగా వెళ్లిపోయారు. దీంతో శ్రీలీల చిన్నప్పుడు తండ్రి ప్రేమకు దూరమైంది. అది గుర్తు చేసుకుంటూ ఇండైరెక్ట్ గా నేను లైఫ్ లో చూడలేని అనుభవాలు బాలయ్య గారు ఈ సినిమాతో ఇచ్చారు అని చెప్తూ ఎమోషనల్ అయింది. ప్రతి సినిమాలో సోల్ క్యారెక్టర్ దొరకదు. ఈ సినిమాలో విజ్జి పాప క్యారెక్టర్ లో అది ఉంది. ఆ క్యారెక్టర్ కి బాగా కనెక్ట్ అయ్యాను. ఈ రోల్ చేయడం నా అదృష్టం.

అనిల్ రావిపూడి ఈ క్యారెక్టర్ ని చాలా బాగా రాసారు. ఇలాంటి మంచి క్యారెక్టర్ ఇచ్చినందుకు అనిల్ గారికి రుణపడి ఉంటాను. కొన్ని సీన్స్ లో కట్ చెప్పిన తర్వాత కూడా అదే మూడ్ లో ఉంటే బాలయ్య గారు నవ్వించేవారు. అంతలా కనెక్ట్ అయ్యాను ఈ సినిమాకు. నా లైఫ్ లో నాకు ఏ అనుభవాలు అయితే లేవో అవి ఈ సినిమాతో బాలయ్య గారు ఇచ్చారు. ఇది ఒక అందమైన కథ అని చెప్తూ ఎమోషనల్ అయింది. దీంతో ఈ వ్యాఖ్యలు వైరల్ గా మారాయి. బాలయ్య గారు నాకు ఎంతో సపోర్ట్ చేశారు. ఈ చిత్రంలో చాలా బ్యూటీఫుల్ సీన్లు ఉన్నాయి. సర్ ప్రైజ్ ఎలిమెంట్స్ కూడా గుర్తుండిపోతాయి. బాల‌య్య‌ది మంచి మనస్సు అంటూ శ్రీలీల ఎమోషనల్ అయ్యింది.