Sr NTR : సీనియ‌ర్ ఎన్టీఆర్ చ‌నిపోయే కొన్ని గంట‌ల ముందు ఏం జ‌రిగిందో తెలుసా..?

Sr NTR : విశ్వ విఖ్యాత న‌ట‌సార్వ‌భౌమ నంద‌మూరి తార‌క‌రామారావు భౌతికంగ మ‌న మ‌ధ్య‌న లేక‌పోయిన ఆయ‌న జ్ఞాప‌కాలు ఇప్ప‌టికీ మ‌న క‌ళ్ల ముందు క‌ద‌లాడుతూనే ఉన్నాయి. ఎన్టీఆర్ తెలుగు రాష్ట్రాల్లో ఓ సంచలనం సృష్టించిన గొప్ప నటుడు .ఆయ‌న పేరు వింటేనే మనసులో ఏదో తెలియని చలనం వస్తుంది. తెలుగు ప్రజలు ఇప్పటికీ ఆయన్ని అన్నగారు అని అభిమానంగా పిలుచుకుంటారు. ఇకపోతే ఎన్టీఆర్ జీవితంలో జరిగిన అత్యంత విషాదకరమైన ఘటన వెన్నుపోటు అని చాలా మంది చెబుతూ ఉంటారు.వాటికి సరైన ఆధారాలు మాత్రం ఎవరికి తెలియవు. అయితే ఎన్టీఆర్ రాజకీయాల్లోకి వచ్చినప్పుడు.. చాలామంది రాజకీయ నాయకులు చాలా రకాల విమర్శలు చేశారు.

రాజకీయం అంటే ముఖానికి రంగు వేసుకోవడం కాదు అని అన్నారు. దానికి ఎన్టీఆర్ సమాధానమిస్తూ ‘నిజమే… అందుకే, నేను రాజకీయాల్లో రంగులు వేసుకోను’ అన్నారు నవ్వుతూ. ఆ మాట ప్రకారమే తనకు రాజకీయ రంగు అంటకుండా నిక్కచ్చిగా ఖచ్చితత్వంతో ఎన్టీఆర్ రాజకీయాలు చేశారు. ఆ ముక్కుసూటి తనమే ఆయనకు శాపం అయింది. ఇకపోతే అప్పటి జర్నలిస్ట్ తిప్పరాజు రమేష్ బాబు అనే వ్యక్తి ద్వారా ప్రస్తుతం ఆ చివరి గంటలో ఏం జరిగింది అనే విషయాలు సంచలనంగా మారుతున్నాయి. జనవరి 17న బంజారాహిల్స్ లోని రోడ్ నెంబర్ 13 లో ఉన్న ఎన్టీఆర్ గారి ఇంటికి వెళ్లానని ఆయన అన్నారు.

సాయంత్రం 5:00 అయింది.అన్నగారి ముఖంలో తీవ్రమైన ఆందోళన.అలాగే 6:00 కూడా అయ్యింది.తెలుగుదేశం పార్టీ అధికార అడ్వకేట్లు జాస్తి చలమేశ్వర్ ఎస్.వి.రమణ శ్రీనివాసరావు, అన్న గారి దగ్గరికి వచ్చినపుడు, ఎన్టీఆర్ ఏమైంది బ్రదర్స్ అని అనగానే దానికి వాళ్లు సమాధానంగా సర్ హైకోర్టులో మనం కేసు ఓడిపోయాం.తెలుగుదేశం బ్యాంకు ఖాతాలు అన్నీ చంద్రబాబు పార్టీకి చెందుతాయని బ్యాంకుల్లో మీ సంతకాలు చెల్లవని తీర్పు వచ్చినట్టు వాళ్ళు తెలిపారు.ఆందోళనకు గురైన ఎన్టీఆర్ ఒక్కసారిగా లేచి దరిద్రులు, చెండాలులు అని అరిచారట. ఆదరించి మంత్రిని చేస్తే ఇంత అన్యాయం చేశారు అని బోరున విలపించారట.

అలాగే తన బెడ్రూమ్ లోకి వెళ్లిపోయారట. ఇక లోపల గడియ పెట్టుకున్నారు.తాను, లక్ష్మీపార్వతి, అశోక్ ఎంత పిలిచినా తలుపు తీయలేదు. రాత్రి 8 గంటల సమయంలో తలుపు తీసి గదిలో ఉన్న వస్తువులన్నీ నేలకు కొట్టి జీవితంలో మోసపోయానని ఏడుస్తూనే ఉండిపోయారట. 1:00 వరకు ఆయన ఇంట్లోనే ఉన్నానని రమేష్ తెలిపారు.ఆ తర్వాత తాను ఇంటికి వెళ్లానని, ఇంటికి వెళ్ళిన కాసేపటికి లక్ష్మీ పార్వతి నుంచి ఫోన్ రాగానే మళ్ళీ వెంటనే తిరిగి ఎన్టీఆర్ గారి ఇంటికి వచ్చి చూసేసరికి చాలా దిగ్భ్రాంతికి లోనయ్యానని చెప్పారు.