Sneha : భ‌ర్త‌తో విడాకుల వార్త‌లు.. స్పందించిన స్నేహ‌.. క్లారిటీ ఇచ్చేసిందిగా..!

Sneha : తొలివ‌ల‌పు సినిమాతో తెలుగు ప్రేక్ష‌కుల‌ని ప‌ల‌క‌రించిన అందాల ముద్దుగుమ్మ స్నేహ‌. ఎక్కువగా ఫ్యామిలీ చిత్రాల్లో నటిస్తూ ప్రేక్షకులని మెప్పిస్తున్న స్నేహ‌… వెంకీ, ప్రియమైన నీకు, శ్రీరామదాసు లాంటి సూపర్ హిట్ చిత్రాల్లో న‌టించి మెప్పించింది. ప్రముఖ తమిళ నటుడు ప్రసన్నని స్నేహ 2012లో వివాహం చేసుకుంది స్నేహ‌. ఈ దంప‌తుల‌కి ఒక బాబు, పాప ఉన్నారు. వివాహం తర్వాత కూడా స్నేహ సినిమాల్లో నటిస్తోంది. కాకపోతే ఆమెకు హీరోయిన్ గా ఆఫర్స్ రావడం లేదు. స్నేహ తెలుగులో చివరగా వినయ విధేయ రామ చిత్రంలో కనిపించిన విష‌యం తెలిసిందే.

ఈ చిత్రంలో స్నేహ చరణ్ కు వదిన పాత్రలో నటించి మెప్పించింది. తన కెరీర్ లో స్నేహ ఎప్పుడూ హద్దులు దాటేలా గ్లామర్ షో చేసింది లేదు. చాలా ప‌ద్ద‌తిగా క‌నిపిస్తూ ప్రేక్ష‌కుల‌ని మెప్పించింది. అయితే కొద్ది రోజులుగా స్నేహాకి సంబంధించి త‌ప్పుడు ప్ర‌చారాలు జ‌రుగుతున్నాయి. ఆమె త‌న భ‌ర్త‌కు విడాకులు ఇచ్చి సింగిల్‌గా ఉంటుంద‌ని, కొద్ది రోజుల‌లో త‌మ విడాకుల విష‌యం కూడా అధికారికంగా ప్ర‌క‌టిస్తార‌ని అనే క వార్త‌లు వ‌చ్చాయి. ఈ నేప‌థ్యంలో స్నేహా త‌ప్పుడు వార్త‌ల‌కు చెక్ పెట్టింది.తన భర్త ప్రసన్నతో సన్నిహితంగా ఉన్న ఓ పిక్‌ని సోషల్ మీడియా వేదికగా పంచుకుంటూ ఇన్ స్టాలో పోస్ట్ చేసింది. దీనిపై ట్వినింగ్ వీకెండ్ అంటూ రాసుకొచ్చింది.

ఈ విధంగా తన విడాకుల మ్యాటర్ అనేది రూమర్ మాత్రమే అనే కన్ఫర్మేషన్ అయితే ఇచ్చేసింది స్నేహ. 2009లో అచ్చముందు అనే సినిమాలో జంటగా నటించ‌గా, ఆ సమయంలోనే ఇద్దరి మధ్య ప్రేమ చిగురించిన‌ట్టు తెలుస్తుంది… 2011లో పెళ్లి పీటలెక్కింది. ముచ్చటైన ప్రేమ పక్షులు మూడుముళ్ల బంధంతో ఒక్కటయ్యారు. . సోషల్ మీడియాలో యాక్టీవ్ రోల్ పోషించే స్నేహ అప్పుడప్పుడూ తన ఫ్యామిలీ ఫొటోస్ షేర్ చేస్తూ ఫ్యాన్స్‌ని పలకరిస్తూ ఉంటుంది.