Sitara Ghattamaneni : సూపర్ స్టార్ మహేష్ బాబు గారాల పట్టి సితార ఘట్టమనేని గురించి ప్ర‌త్యేక ప‌రిచ‌యాలు అక్క‌ర్లేదు. తన టాలెంట్‌తో ఎప్ప‌టిక‌ప్పుడు హాట్ టాపిక్ అవుతూనే ఉంటుంది. ఎప్పుడూ ఏదో ఒక సెన్సేషన్‌తో సోషల్ మీడియాలో ట్రెండ్‌లో ఉండే సితార ఘట్టమనేని తాజాగా ఓ సాంగ్‌కి డ్యాన్స్ చేస్తూ.. అందరితో శ‌భాష్ అనిపించుకుంటోంది. ఇంతకీ ఆమె ఏ పాటకు డ్యాన్స్ చేసిందంటే.. లేడీ పవర్ స్టార్ గా పేరున్న సాయిపల్లవి ఫేమ‌స్ పాటకి. సాయిపల్లవి డ్యాన్స్ గురించి ప్ర‌త్యేకంగా చెప్ప‌న‌క్క‌ర్లేదు. ఎలాంటి పాటకి అయిన అవ‌లీల‌గా చిందులేస్తుంది. ల‌వ్ స్టోరీ సినిమాలో సాయి ప‌ల్ల‌వి సారంగదరియా అనే పాటకి చిందులేయ‌గా, ఇది ఫుల్ పాపులారిటీ ద‌క్కించుకుంది.
ఇప్పుడు అదే సారంగదరియా’ పాటకు డ్యాన్స్ చేసి, ఆ వీడియోను తన ఇన్‌స్టా ఖాతాలో సితార పోస్ట్‌ చేసింది. చక్కని అభినయంతో, క్యూట్ స్టెప్పులతో అలరించింది సితార. లంగా ఓణీ ధరించి డ్యాన్స్ చేసి సాయిపల్లవిని గుర్తు చేసిందనే చెప్పాలి. ఈ సారంగదరియా సాంగ్‌ను సితారకు అనీ మాస్టర్ నేర్పించినట్లు తెలుస్తోంది. మరోవైపు పెర్ఫామెన్స్‌కు నెటిజన్లు ఫిదా అవుతున్నారు.మొన్న సోలోగా ఈ పాటకి డ్యాన్స్ చేసిన సితార ఇప్పుడు ఇద్దరు డ్యాన్స‌ర్స్ తో క‌లిసి చిందులేసింది. ఏది ఏమైన ఇప్పుడు సితార డ్యాన్స్‌కి ప్ర‌తి ఒక్కరు ఫిదా అవుతున్నారు.
టాలీవుడ్ స్టార్ కిడ్స్‌లో ప్రముఖంగా వినిపించే పేరు సితార పలు యూట్యూబ్ ఇంటర్వ్యూలు, వీడియోలతో బాగా పాపుల‌ర్ అయింది. ఇన్‌స్టాగ్రామ్‌లో ఇప్పటికే మిలియన్‌కు పైగా ఫాలోవర్లను సంపాదించింది. ఇక తరచూ తండ్రి మహేష్ బాబు నటించిన లేదా ఇతర సినిమాల్లోని పాటలకు తను డాన్స్ చేసిన వీడియోలను ఇన్‌స్టాలో అప్‌లోడ్ చేస్తుండటం తెలిసిందే. సితార చిన్న వ‌య‌స్సులోనే మంచి పాపులారిటీ తెచ్చుకోగా, రానున్న రోజుల‌లో ఈ అమ్మ‌డు స్టార్ హీరోయిన్‌గా మార‌నుంద‌ని కొంద‌రు చెబుతున్నారు.
