Shaakuntalam : య‌శోద చిత్రం త‌ర్వాత సమంత న‌టించిన చిత్రం శాకుంతలం. ఈ సినిమాకి దిల్ రాజు సమర్పకుడిగా వ్యవహరించగా, నీలిమ గుణ నిర్మించారు.ఈ సినిమా ఏప్రిల్ 14న మన ముందుకు రాబోతుంది.గుణశేఖర్ ద‌ర్శ‌క‌త్వం వ‌హించారు. రెండు సార్లు వాయిదా పడ్డ ఈ చిత్రం రేపు గ్రాండ్‌గా విడుద‌ల కాబోతుంది. సినిమాని ఇప్పటికే పెయిడ్‌ ప్రీమియర్ షో వేశారు. అయితే ఇందులో సమంత పాత్ర రియ‌ల్ లైఫ్‌కి ద‌గ్గ‌ర‌గా ఉంద‌నే చెప్పాలి. విడాకుల ద‌గ్గర నుండి సమంత అనేక క‌ష్టాల‌ని ఎదుర్కొని పవర్‌ఫుల్‌ ఉమెన్‌ అని నిరూపించుకుంది. సరిగ్గా `శాకుంతలం` చిత్రంలోనూ శకుంతల పాత్ర కూడా అలాంటి స్ట్రగుల్సే పడబోతుంది.
అలా సినిమాకి, సమంతకి మంచి కనెక్షన్‌ ఉందని చెప్పొచ్చు. అయితే సినిమా ప్రధానంగా దుష్యంత్‌, శకుంతల మధ్య ప్రేమ కథ, ఎమోషన్స్, స్ట్రగుల్స్ ప్రధానంగా సాగుతుంది. చిత్రానికి ప్రీమియర్ షోస్ ద్వారా అయితే మిక్స్ డ్ టాక్ వ‌స్తుంది. సినిమా ఓ భావోద్వేగాల సమాహారంగా ఉందని అంటున్నారు. సమంత అద్భుతంగా చేసిందని, ఆమె పడే బాధలను దర్శకుడు బాగా చూపించాడని చెప్పుకొస్తున్నారు. సమంత యాక్టింగ్ ,త్రీడి ఎఫెక్ట్ బాగున్నాయని చెబుతున్నారు గ్రాఫిక్ వర్క్ సూపర్ అని కొంద‌రు చెబుతుండ‌గా, మ‌రి కొంద‌రు బాగోలేవ‌ని అంటున్నారు.
ఇక అల్లు అర్జున్ డాటర్ అల్లు అర్హ నటనపై ప్రశంసలు గుప్పిస్తున్నారు.తొలిసారి కెమెరా ముందుకొచ్చినా కూడా త‌న న‌ట‌న‌తో అద‌ర‌గొట్టేసింద‌ని చెప్పుకొస్తున్నారు. ఏదిఏమైనా ఫైనల్ గా ఈ శాకుంతలం సినిమాకు మిక్స్ డ్ బజ్ అయితే క్రియేట్ అయిందని చెప్పుకోవచ్చు.గుణశేఖర్ టీం చేస్తున్న ప్రమోషన్స్ కూడా సినిమాకు బాగా ప్లస్ అవుతున్నాయి . చాలా సీన్స్ రొటీన్‌గానే అనిపించాయని చెబుతున్నారు. మైథలాజికల్‌ మూవీ అయినా, రెగ్యూలర్‌ ఫ్యామిలీ డ్రామాల్లోని సీన్లని తలపించాయని కొంద‌రు అంటున్నారు. విజువల్‌ వండర్‌, కళాఖండం అనేంత స్థాయి లేదని, వినోదానికి ఆస్కారం లేదని చెప్పుకొస్తున్నారు.
