Shaakuntalam : సమంత, దేవ్ ప్ర‌ధాన పాత్ర‌ల‌లో గుణశేఖర్ తెరకెక్కించిన విజువల్ వండర్ శాకుంతలం. విజువల్ వండర్ అంటూ విడుదలకు ముందు వర్ణించిన శాకుంతలం సినిమాకు అదే మైనస్‌ అయిపోయింది. సినిమా చూస్తుంటే కళ్లకు స్పష్టంగా ఇది వీఎఫ్‌ఎక్స్‌ అని అర్ధ‌మైంది. అస‌లు గుణశేఖర్ టేకింగ్‌ గురించి ఎంత తక్కువ మాట్లాడకుంటే అంత మంచిది. ఒక్కడు, రుద్రమదేవి లాంటి సినిమాలను తెరకెక్కించిన గుణశేఖర్ ఈ సినిమాని తెర‌కెక్కించాడా అని అంద‌రు నోరెళ్ల‌పెడుతున్నారు. ఏ ఒక్క‌టి కూడా సినిమాని బ‌తికించ‌లేక‌పోయాయి. తొలిరోజు ఏమంత కలెక్షన్‌లు రాబట్టలేకపోయిన ఈ సినిమా.. రెండవ రోజు కాస్త గ్రోత్‌ ఉందనుకుంటే రెండో రోజు మరింత దారుణంగా కలెక్షన్‌లు సాధించింది.
ఇక ఫస్ట్ వీకెండ్‌ పూర్తయ్యేలోపు పట్టుమని పది కోట్ల గ్రాస్‌ కూడా ఈ సినిమా కలెక్ట్‌ చేయలేకపోయింది. అయితే సమంత నటించే హీరోయిన్ సెంట్రిక్ చిత్రాలు మంచి వసూళ్లు వ‌స్తుంటాయి. సమంత నుంచి చివరగా వచ్చిన యశోద చిత్రం మంచి విజయం దక్కించుకుంది. అయితే సమంత సోలో చిత్రాలు ఎప్పుడూ 50 కోట్ల మార్క్ దాటలేదు. అయితే గుణశేఖర్ సమంత క్రేజ్ ని నమ్ముకుని శాకుంతలం చిత్రానికి 80 నుంచి 100 కోట్ల వరకు ఖర్చు చేసి ఉంటార‌ని కొందరు అనుకుంటున్నారు. కొందరు ఈ చిత్ర బడ్జెట్ 50 కోట్లే అని చెప్పుకొస్తున్నారు. ఏది ఏమైనా శాకుంతలం 3 రోజుల షేర్ కనీసం 10 కోట్లు కూడా దాటలేదు.
రోజు రోజుకి సినిమా క‌లెక్ష‌న్స్ దారుణంగా డ్రాప్ అవుతుండ‌డంతో ఈ మూవీని పెద్ద డిజాస్ట‌ర్‌గా చెబుతున్నారు. గుణశేఖర్ వ‌ల్ల‌నే ఈ సినిమా అంత దారుణంగా నిరాశ ప‌ర‌చింద‌ని అంటున్నారు .శాకుంతలంలో ఫస్ట్ లుక్ పోస్టర్ విడుదలైనప్పటి నుంచి గ్రాఫిక్స్ కార్టూన్ ని తలపించాయి. దీనితో రాను రాను ఈ చిత్రంపై ఉన్న ఆసక్తి కూడా తగ్గిపోయింది. ఇప్పుడు తొలి షో నుండే ఈ సినిమాకి నెగెటివ్ టాక్ రావ‌డంతో థియేట‌ర్స్ కి వెళ్లే జ‌నాల సంఖ్య కూడా తగ్గింది. సినిమా విడుదల రోజు కనిపించిన గుణశేఖర్.. ఇప్పటివరకు మళ్లీ కనిపించలేదు. సమంత సైతం సైలెంట్‌ అయిపోయింది. యునానిమస్‌గా ఈ సినిమా తిరస్కారానికి గురి కావడంతో ఎవరూ ఏమి పెద్ద‌గా మాట్లాడడంలేదు.
