Renu Desai : టాలీవుడ్ న‌టి రేణూ దేశాయ్ అంద‌రికి సుప‌రిచిత‌మే. పవన్ కళ్యాణ్ తో సినిమా షూటింగ్ సందర్భంలో ప్రేమలో ప‌డ్డ రేణూ… కొన్నాళ్ల సహజీవనం తర్వాత 2009లో అత‌డిని పెళ్లి చేసుకుంది.. వీరికి అకీరా, ఆద్య ఇద్దరు సంతానం ఉన్నారు. అయితే కొన్నాళ్ల తర్వాత ఇద్దరికీ మనస్పర్థలు రావడంతో ఒకరి అంగాకారంతో ఒకరు 2012 లో విడిపోయారు. అప్పటి నుంచీ ఎవరి లైఫ్ ను వాళ్లు గడుపుతున్నారు. ఈ మధ్య కాలంలో రేణూ దేశాయ్ మరో పెళ్లి చేసుకుంటుందీ అంటూ వార్తలు రావడంతో పవన్ ఫ్యాన్స్ ఆమెని తెగ ట్రోల్ చేశారు. ఇక ఇటీవ‌ల అకీరా విష‌యంలో రేణూ ట్రోలింగ్‌కి గురైంది.
సోషల్ మీడియాలో చాలా యాక్టివ్‌గా ఉండే రేణూ దేశాయ్ తాజాగా తన ఇన్‌స్టాగ్రామ్‌లో ఓ వీడియోను షేర్ చేసింది. అందులో ఆద్య కూడా కనిపిస్తోంది. అయితే రేణూ దేశాయ్ ఆ సముద్రపు నీళ్లలో అలా తడుస్తూ ఉంటే.. కొట్టుకుపోతూ ఉంటే.. తన ఫ్రెండ్స్ ఎంజాయ్ చేస్తూ ఇలా వీడియోలు, ఫోటోలు తీస్తున్నారట.. ఎంజాయ్ చేస్తున్నారట. కానీ ఒక్కరూ కూడా తనను పైకి లాగడం లేదంటూ పేర్కొంది. కొన్ని సందర్భాలుంటాయి.. మనకు ఏడ్వాలో నవ్వాలో అర్థం కావు.. ఇది కూడా అలాంటి ఓ సందర్భమే అని రేణూ దేశాయ్ తన పోస్ట్ ద్వారా చెప్పుకొచ్చింది.
సముద్ర అలల మధ్య రేణు జలకాలు ఆడుతూ ఉండ‌గా, ఆమె తన వీడియో తీయవద్దని ప్రాధేయ పడుతున్నారు. అయినా వినిపించుకోకుండా ఒకరు వీడియో తీయ‌గా, దానిని సోషల్ మీడియాలో షేర్ చేసి ఫ్యాన్స్ కి మంచి ఎంట‌ర్‌టైన్‌మెంట్ అందించింది. కాగా, గత కొన్ని రోజులుగా సోషల్ మీడియాలో రేణూ దేశాయ్‌కు ఎంతటి ట్రోలింగ్, నెగెటివ్ కామెంట్లు ఎదురయ్యాయో మ‌నం చూస్తూనే ఉన్నాం. అయితే రేణూ దేశాయ్ మాత్రం సోషల్ మీడియాలో తన వ్యథ, బాధను, ఆవేదనను వెల్లగక్కుతూనే వచ్చింది.
