Shaakuntalam Collections : విజువల్ గ్రాండియర్ గా తెగ పబ్లిసిటీ చేస్తూ వచ్చిన శాకుంతలం ఫలితం మాత్రం ప్ర‌తి ఒక్క‌రికి తీర‌ని నిరాశ మిగిల్చింది. సినిమాకి ముంఉద ఈ చిత్రానికి భారీ ఎత్తున ప్ర‌చారం చేశారు. మూవీ బాహుబ‌లిని మించి పోతుంది అనేలా మేకర్స్ చెప్పుకొచ్చారు. కాని తీరా సినిమా రిలీజ్ అయ్యాక ఈ మూవీ దారుణంగా విమ‌ర్శలు మూట‌గట్టుకుంది. సుమారుగా మూడేళ్ళ నుండి తెరకెక్కుతున్న సినిమాగా పేరు తెచ్చుకున్న ఈ చిత్రానికి సంబంధించిన టీజర్ కానీ, ట్రైలర్ కానీ ఆడియన్స్ ని పెద్ద‌గా ఆకట్టుకోలేదు.గ్రాఫిక్స్ చాలా నాసిరకంగా అనిపించాయి. ఈ సినిమాకి అంత బడ్జెట్ పెట్టారంటే నమ్మశక్యంగా ఉండేట్టు ఎవరికీ అనిపించలేదు.
ఇక విడుదల తర్వాత కూడా ఆడియన్స్ లో అలాంటి అనుభూతి కలిగింది.ఇండస్ట్రీ లో లెజండరీ స్థానాల్లో ఉన్న ప్రముఖుల నుండి ఇలాంటి ఔట్‌పెట్ ఎలా వచ్చింది అని ఆడియన్స్ సైతం నోరెళ్లబెట్టారు.ఫలితంగా చిత్రానికి దారుణమైన ఓపెనింగ్ వచ్చింది, ఒక మీడియం రేంజ్ హీరో సినిమాకి వచ్చేంత ఓపెనింగ్ లో పావు శాతం కూడా రాబట్టలేకపోయింది.మొదటి రోజు ఈ చిత్రానికి రెండు తెలుగు రాష్ట్రాలు కలిపి ఎంత వసూళ్లను రాబట్టిందో చూస్తే.. ఫస్ట్ డే గ్రాస్ కేవలం 4 కోట్ల 70 లక్షలు మాత్రమేనట. షేర్ రూపంలో చూసుకుంటే 2 కోట్ల 22 లక్షల దాకా తేలుతుంది. ఇది మాములుగా చిన్న బడ్జెట్ సినిమాలకు డీసెంట్ ఫిగర్. కానీ ప్యాన్ ఇండియా రేంజ్ లో హంగామా చేసి వివిధ భాషల్లో ఒకేరోజు గ్రాండ్ రిలీజ్ జరుపుకున్న శాకుంతలం స్థాయికి ఏ మాత్రం సరితూగని నెంబర్లుగా చెబుతున్నారు.
తొలి రోజు వచ్చిన క‌లెక్షన్స్ లో దాదాపు రూ.1.25 కోట్ల వరకు ఓవర్సీస్ లో వసూలైనట్లు పోస్టర్ రిలీజ్ చేశారు. మరి ఈ వీకెండ్ వరకు ‘శాకుంతలం’ టికెట్స్ తెగొచ్చేమో గానీ లాంగ్ రన్ లో ఈ మూవీ పెట్టుబడి రావడం మాత్రం క‌ష్ట‌మనే టాక్ వినిపిస్తుంది. మహాభారతం ప్రారంభానికి ముందు శకుంతల మరియు దుష్యంత మహారాజు మధ్య చిగురించిన ప్రేమ ని అద్భుతంగా వర్ణిస్తూ కాళిదాసు రాసిన అభిజ్ఞాన శాకుంతలం అనే గ్రంధాన్ని అధ్యయనం చేసి గుణశేఖర్ ఈ చిత్రాన్ని త‌న‌దైన స్టైల్ లో తెరకెక్కించాడు.అయితే ఈ సినిమాకి మొదటి రోజు మొదటి ఆట నుండే డిజాస్టర్ టాక్ రావడం తో మేకర్స్ కి మింగుడు ప‌డ‌డం లేదు.
