భార‌త్‌ని ఓడిస్తే జింబాబ్వే క్రికెట‌ర్‌ని పెళ్లి చేసుకుంటాన‌ని పాక్ న‌టి బంప‌ర్ ఆఫ‌ర్.. ట్రోల్ చేస్తున్న నెటిజన్లు..

ఇప్పుడు ఎక్క‌డ చూసిన ఒకేట చ‌ర్చ‌.. టీ 20వ‌ర‌ల్డ్ క‌ప్ గురించే. ఏయే జ‌ట్లు సెమీస్‌కి వెళతాయి, ఏ జ‌ట్లు ట్రోఫీ గెలుస్తుంది అనే దానిపై జోరుగా చ‌ర్చ‌లు న‌డుస్తున్నాయి. అయితే భార‌త్ సెమీస్‌కి వెళుతుందా అనే దానిపై కూడా డిస్క‌ష‌న్ న‌డుస్తుంది. రీసెంట్‌గా జరిగిన మ్యాచ్ లో భారత్, బంగ్లాదేశ్ తో పోరాడి గెలిచింది. మ్యాచ్ మధ్యలో వర్షం పడి కొంత విరామం వచ్చినా, అది భారత్ జట్టుకు కలిసొచ్చింది అనే చెప్పాలి. ఉత్కంఠ పోరులో భారత్ 5 పరుగుల తేడాతో విజయం సాధించింది. ఇది ఇలా ఉంటే పాక్ అభిమానులు భారత్ వరల్డ్ కప్ పోరులో ఓడి వెనుదిరగాలి అంటూ వారి అక్కసుని చూపిస్తున్నారు.

పాకిస్థాన్ సెమీస్‌ చేరాలంటే భారత్‌ను జింబాబ్వే ఓడించాలి , అలానే పాక్ బంగ్లాదేశ్‌ని ఓడించాలి. ఇలాంటి తరుణంలో పాకిస్థాన్‌కు చెందిన నటి సెహర్‌ షిన్వారీ చేసిన ట్వీట్‌ వైరల్‌గా మారింది. పాకిస్తాన్ నటి “సెహర్ షిన్వారీ” రాబోయే మ్యాచ్ గురించి ఒక ఆశక్తికర ట్వీట్ చేస్తూ.. “ఆదివారం జరగబోయే మ్యాచ్ లో జింబాబ్వే ఇండియాని ఓడిస్తే నేను ఒక జింబాబ్వే వ్యక్తిని పెళ్లి చేసుకుంటా” అంటూ ట్వీట్ చేసింది. గతంలో కూడా ఈ నటి ఇటువంటి స్టేట్మెంట్లు ఇచ్చింది. ‘భారత్ గెలిస్తే నేను నా ట్విట్టర్ అకౌంట్ ని డిలీట్ చేస్తాను’ అంటూ చెప్పుకురావడంతో, నెటిజెన్లు ఈ ట్వీట్స్ సంగతి ఏంటి అంటూ పాతవి రీ ట్వీట్స్ చేస్తున్నారు.

మ‌రి కొందరు ‘జింబాబ్వే వాళ్లు నిన్ను పెళ్లి చేసుకునేందుకు ఒప్పుకుంటారా?’ అని కొంత మంది కామెంట్ చేశారు. ఇక నవంబర్ 6, ఆదివారం నాడు జరిగే మ్యాచ్ భారత్ కి చాలా కీలకం కానుంది. సూపర్ 12 మ్యాచ్‌లో చివరిగా భారత్ జట్టు జింబాబ్వేతో తలపడనుంది. ఈ మ్యాచ్ మెల్‌బోర్న్ క్రికెట్ గ్రౌండ్‌లో జరుగుతుంది. ఇందులో క‌నుక భార‌త్ ఓడిపోతే మాత్రం సెమీస్ లెక్క‌లు ర‌న్‌రేట్ మీద ఆధార‌ప‌డి ఉంటాయ‌నే చెప్పాలి.