Shoiab Malik : షోయ‌బ్ మాలిక్ రెండో పెళ్లిపై సానియా మీర్జా కుటుంబ స‌భ్యులు ఏమంటున్నారంటే..?

Shoiab Malik : ఇటీవ‌లి కాలంలో చాలా జంట‌లు పెళ్లైన కొద్ది రోజుల‌కే విడాకులు తీసుకుంటుండ‌డం మ‌నం చూశాం. రీసెంట్‌గా టెన్నిస్ స్టార్ సానియా మీర్జా వైవాహిక జీవితం విషాదాంతంగా ముగిసింది. సానియా మీర్జా తన 15 ఏళ్ల దాపంత్య జీవితానికి గుడ్ చెప్పింది. భర్త షోయబ్ మాలిక్ మరో పెళ్లి చేసుకోవడంతో .. అతనితో సానియా మీర్జా బంధం తెగిపోయినట్టు అయింది. షోయబ్ మాలిక్ పాకిస్థాన్‌కు చెందిన హీరోయిన్ సనా జావేద్‌ను వివాహం చేసుకున్నాడు.సనా జావేద్‌తో షోయబ్ మాలిక్ ఎఫైర్ పెట్టుకున్నాడని..ఆ కారణంగానే సానియా మీర్జాతో అతను దూరంగా ఉంటున్నాడనే వార్తలు సోషల్ మీడియాలో వైరల్ అయ్యాయి. ఇప్పుడు ఆ వార్తలను నిజం చేస్తూ సనా జావేద్‌‌ను షోయబ్ పెళ్లాడాడు. ఇదిలా ఉంటే సానియా మీర్జా – షోయబ్ మాలిక్ విడాకులపై నెటిజన్లు రకరకాలుగా స్పందిస్తున్నారు.

ప్రేమించిన అమ్మాయిని మోసం చేయడానికి షోయబ్‌కు సిగ్గు లేదని కొందరు కామెంట్ చేస్తుంటే.. మరి కొందరు పాకిస్థాన్‌ వ్యక్తిని పెళ్లి చేసుకున్నందుకు ఇలాగే జరగాలంటూ మరికొందరు కామెంట్ చేస్తున్నారు. పెళ్లి తరువాత సానియా మీర్జా పాకిస్థాన్‌లో కన్నా ఇండియాలో ఎక్కువుగా కనిపించినప్పుడే సానియా జంట విడిపోవడం ఖాయమని భావించామని మరి కొందరు నెటిజన్లు కామెంట్ చేస్తుంటారు. షోయబ్ మాలిక్, పాక్ నటి సనా జావెద్ ను పెళ్లాడినట్టు ఇప్పుడు సోషల్ మీడియాలో ఫొటోలు సందడి చేస్తున్నాయి. ఇటీవల సానియా ఇన్ స్టాగ్రామ్ లో విడాకుల గురించి పోస్టు పెట్టడం, ఇప్పుడు షోయబ్ రెండో పెళ్లి ఫొటోలు తెరపైకి రావడంతో సానియా విడాకులపై ఓ స్పష్టత వచ్చింది.

దీనిపై సానియా మీర్జా తండ్రి ఇమ్రాన్ మీర్జా మరింత స్పష్టతనిచ్చారు. తన కుమార్తె సానియా ‘ఖులా’ (విడాకులు) ను ఎంచుకుందని వెల్లడించారు. ఇస్లాం సంప్రదాయం ప్రకారం… ముస్లిం మహిళలు భర్త సమ్మతితో పని లేకుండా అతడి నుంచి విడిపోవడాన్ని ‘ఖులా’ అంటారు. ముస్లిం మహిళలకు ఆ మేరకు ఏకపక్షంగా నిర్ణయం తీసుకునే హక్కు ఉంది. ఇప్పుడు సానియా కూడా ఈ మార్గాన్నే ఎంచుకున్నట్టు ఆమె తండ్రి మాటల ద్వారా అర్థమవుతోంది. భారత మహిళా టెన్నిస్ కు అంతర్జాతీయ స్థాయిలో పేరుప్రఖ్యాతులు అందించిన సానియా… 2010 ఏప్రిల్ 12న పాకిస్థాన్ ఆల్ రౌండర్ షోయబ్ మాలిక్ ను పెళ్లాడింది. వీరికి ఇజాన్ మీర్జా మాలిక్ అనే కుమారుడు ఉన్నాడు.