Samantha : స‌మంత రాజ‌కీయాల్లోకి రాబోతుందా.. ప‌వ‌న్ అడుగు జాడ‌ల్లో న‌డుస్తుందా ఏంటి?

Samantha : ఇప్పుడు చాలా మంది సినీ ప్ర‌ముఖులు సినిమాల‌లో స‌త్తా చాటుతూనే రాజ‌కీయాల‌లో కూడా రాణించే ప్ర‌య‌త్నం చేస్తున్నారు. ఇదే క్ర‌మంలో స‌మంత కూడా రాజ‌కీయాల‌లోకి రాబోతుందంటూ కొద్ది రోజులుగా జోరుగా ప్ర‌చారం సాగుతుంది. ప్ర‌స్తుతం టాలీవుడ్ టాప్ హీరోయిన్‌గా ఉన్న స‌మంత రాజ‌కీయాల‌లోకి ఎంట్రీ ఇస్తే క‌చ్చితంగా సక్సెస్ అవుతుంద‌ని ఆమె అభిమానులు చెప్పుకొస్తున్నారు. అయితే అస‌లే అనారోగ్య స‌మ‌స్య‌ల‌తో ఇబ్బంది ప‌డుతున్న స‌మంత రాజ‌కీయాల‌లోకి రావ‌డం ఏంట‌ని చాలా మందిలో అనుమానాలు అయితే ఉన్నాయి. అస‌లు విషయం ఏంటంటే.. వచ్చే ఎన్నికల్లో భారత్ రాష్ట్ర సమితి తరఫున, సమంత ఎన్నికల ప్రచారంలో కనిపించబోతోందంటూ గుసగుసలు వినిపిస్తున్నాయి.

గతంలో సమంత, తెలంగాణలో నేతన్నలకి మద్దతుగా పలు కార్యక్రమాలు చేపట్టింది. ఈ క్రమంలో తెలంగాణ ప్రభుత్వం నుంచి అరుదైన గౌరవాన్ని కూడా అందుకుంది. తెలంగాణ చేనేతకు బ్రాండ్ అంబాసిడర్ సమంత.. అని అప్పట్లో పెద్దయెత్తున ప్రచారం చేసింది. ఆ తర్వాత ఏమయ్యిందో.. సమంత, మళ్ళీ ఆ తరహాలో రాజకీయ వార్తల్లో కనిపించలేదు. మళ్ళీ ఇప్పుడు, తాజాగా ‘స్టార్ క్యాంపెయినర్’ అనే కోణంలో సమంత పేరు ప్రచారంలోకి వచ్చింది. ఈ విషయమై ఆరా తీస్తే, సమంత ఎలాంటి పొలిటికల్ కమిట్మెంట్స్ జోలికీ వెళ్ళడం లేదని తెలిసింది.

స‌మంత‌ని ఎన్నికల ప్రచారంలోకి తీసుకురావాలనే ప్రయత్నాలైతే గట్టిగానే బీఆర్ ఎస్ నాయ‌కులు చేస్తున్నార‌ట‌. మ‌రి దీనిపై స‌మంత అంత ఆస‌క్తి చూప‌డం లేద‌ని తెలుస్తుంది. ఇక స‌మంత కొద్ది రోజుల క్రితం మ‌యోసైటిస్ చికిత్స కోసం అని అమెరికా వెళ్లింది. అక్క‌డ ఖుషి ప్రమోషన్ ఈవెంట్ లో కూడా పాల్గొంది అని చెప్పాలి. అలాంటి సమంత సడన్గా హైదరాబాద్ వచ్చేసింది అనేది తెలుస్తుంది. ఇక అమెరికాకు వెళ్లి అక్కడే చాలా రోజులు ఉండాలనుకున్న సమంత సడన్ గా ఎందుకు హైదరాబాద్ వచ్చేస్తుంది అన్నది ప్రస్తుతం చర్చనీయాంశంగా మారిపోయింది. అయితే ఖుషి మేకర్స్ ప్రస్తుతం సక్సెస్ మీట్ నిర్వహించాలని అనుకుంటున్నారట. ఈ సక్సెస్ మీట్ కి సమంత వస్తే ఆమె చుట్టూ వస్తున్న కొన్ని సందేహాలు తొలగినట్టు అవుతుందని అనుకుంటున్నారట మేకర్స్. ఈ క్రమంలోనే సమంతను మేకర్స్ హైదరాబాద్ పిలిచినట్లు తెలుస్తోంది.