Samantha : టాలీవుడ్ మోస్ట్ ల‌వ‌బుల్ క‌పుల్ సమంత నాగ చైతన్య గ‌త ఏడాది అక్టోబర్ 2న విడిపోతున్న ప్ర‌క‌టించి అంద‌రిని ఆశ్చ‌ర్య‌ప‌రిచారు. వారి విడాకుల విష‌యం ఇప్ప‌టికీ హాట్ టాపిక్‌గానే నిలుస్తుంది. కొంద‌రు వారు విడిపోవ‌డానికి కార‌ణాలు ఇవి అంటూ ప్ర‌చారాలు చేస్తుండ‌గా, మ‌రి కొంద‌రు త్వ‌ర‌లోనే క‌ల‌వ‌బోతున్నార‌ని చెప్పుకొస్తున్నారు. సమంత ప్రధాన పాత్రలో తెరకెక్కిన లేడీ ఓరియెంటెడ్ చిత్రం ‘య‌శోద’. ఈ సినిమాలో సమంత గ‌ర్భవతిగా న‌టించారు. సినిమా పూర్తయ్యే క్రమంలో సమంత అనారోగ్యంతో ఇబ్బందిప‌డటం వార్తల్లో ప్రముఖంగా నిలిచింది.
య‌శోద సినిమా స‌మంత‌కు మంచి పేరు తేగా, క‌లెక్ష‌న్స్ కూడా భారీగానే రాబ‌డుతుంది. అయితే సమంత ఆరోగ్యంపై మాత్రం అభిమానుల‌లో కొంత ఆందోళ‌న నెల‌కొంది. మ‌యోసైటిస్ తో బాధ‌ప‌డుతున్న‌ట్టు సమంత ప్ర‌క‌టించ‌డంతో అంద‌రు అవాక్క‌య్యారు. ఆమె త్వ‌ర‌గా కోలుకోవాల‌ని ప్రార్ధ‌న‌లు చేశారు. సినీ సెల‌బ్రిటీలు కూడా సమంత కోలుకుంటుంద‌ని ఆమె చాలా ధైర్య‌వంతురాల‌ని పోస్ట్‌లు పెట్టారు.
అయితే నాగ చైతన్య కాని నాగార్జున కాని సమంత ఆరోగ్యంపై ఒక్క‌టంటే ఒక్క ట్వీట్ కూడా చేయలేదు. అయితే వారు సోష‌ల్ మీడియాలో స్పందించ‌క‌పోయిన స‌మంత‌కు అండగా నిలిచిందని వార్తలు వినిపిస్తున్నాయి. నాగ చైతన్య సమంత హెల్ విష‌యంలో ఎప్ప‌టిక‌ప్పుడు ఆరా తీస్తూ చాలా కేరింగ్‌గా చూసుకున్నాడ‌ట. త‌నపై చూపించిన కేరింగ్ వ‌ల్ల సమంత విడాకుల‌ను క్యాన్సిల్ చేసుకుని మ‌ళ్లీ చైతూతో క‌ల‌వ‌బోతుంద‌ని ప్ర‌చారం జ‌రుగుతుంది. మ‌రోవైపు నాగ చైతన్య ఒక ప్రాజెక్టు కోసం స‌మంత‌తో జతకట్టబోతున్నట్లు సమాచారం. తొంద‌ర‌లోనే దీనిపై ఓ క్లారిటీ రానుంది. సమంత నాగ చైతన్య తిరిగి క‌లిస్తే మాత్రం అభిమానుల సంబ‌రాలు మిన్నంట‌డం ఖాయం. అస‌లు వారిని చూసిన ప్ర‌తి ఒక్క‌రు కూడా ఈ జంట చాలా చూడ‌ముచ్చ‌ట‌గా ఉన్నార‌ని, చిల‌కా గోరింక‌ల మాదిరిగా ఉంటార‌ని చెప్పుకొచ్చారు. నిండు నూరేళ్లు క‌లిసి ఉంటార‌ని అంద‌రు భావించ‌గా, మూడేళ్ల‌కే విడిపోవ‌డం అంద‌రిని బాధించింది.
