Samantha : టాలీవుడ్ స్టార్ హీరోయిన్ సమంత గ‌త కొద్ది రోజులుగా తన జీవితంలో చాలా ట‌ఫ్ ఫేజ్ ఎదుర్కొంటుంది. నాగ చైత‌న్య‌తో విడాకులు, ఆ తర్వాత మయోసైటిస్ బారిన ప‌డ‌డం స‌మంత‌ని చాలా కుంగిపోయేలా చేసింది. అయితే ఇప్పుడిప్పుడే కోలుకుంటున్న సమంత మ‌ళ్లీ వ‌రుస సినిమాలు చేస్తుంది. అయితే సమంత హెల్త్ విష‌యంలో ఏర్ప‌డిన సింప‌థీ యశోద విష‌యంలో బాగానే వ‌ర్క‌వుట్ అయిన‌ప్ప‌టికీ శాకుంత‌లంలో బెడిసి కొట్టింది. గుణశేఖర్ దర్శకత్వంలో తెరకెక్కిన ఈచిత్రంలో సమంత టైటిల్ రోల్ ను పోషించింది. ఈ సినిమా మంచి అంచనాల నడుమ ఏప్రిల్ 14 న వరల్డ్ వైడ్ గా గ్రాండ్’గా రిలీజ్ అయ్యి డిజాస్టర్ అయ్యింది.
శాకుంతలం సినిమాకి గుణశేఖర్‌తో పాటు స్టార్ నిర్మాత దిల్ రాజు నిర్మాణ భాగస్వామిగా ఉన్న సంగతి తెలిసిందే. అయితే బాక్సాఫీస్ దగ్గర ఈ సినిమా ఏమాత్రం అలరించలేకపోయింది. దీంతో గుణశేఖర్, దిల్ రాజులకు భారీ నష్టాలపాలైనట్లు స‌మాచారం. ఈ చిత్రాన్ని రూ. 60 కోట్లతో తెరకెక్కించినట్లు తెలుస్తోంది. అయితే అందులో సగం స్ట్రీమింగ్ రైట్స్ ద్వారా రికవరీ అయ్యింది కాని శాటిలైట్ డీల్ థియేట్రికల్ రిలీజ్‌కి ముందు క్లోజ్ కానందున మిగిలిన సగం రికవరీ కాలేదు. ఈ నేపథ్యంలో రూ. 20 కోట్ల నష్టం వాటిల్లినట్లు ట్రేడ్ విశ్లేషకులు అంచనా వేస్తున్నారు. అయితే యశోద విడుదల తర్వాత సైలెంట్ గా ఉన్న సమంత శాకుంతలం ప్రమోషన్స్ లో తెల్ల బట్టలు, జపమాలతో స‌రికొత్త‌గా క‌నిపించింది.
ప్రమోషనల్ ఈవెంట్స్ లో ప‌లుమార్లు కన్నీరు పెట్టుకుంది. దగ్గుతూ కనీస ఓపిక లేదని మీడియా ముందు తన అనారోగ్య పరిస్థితి బయటపెట్టింది. హెల్త్ సెట్ కాలేదు, అయినా శాకుంతలం మూవీ మీదున్న ఇష్టంతో ప్రెస్ మీట్స్ లో పాల్గొంటున్నానని చెప్పింది. కట్ చేస్తే సమంత విదేశాల్లో తేలింది. సిటాడెల్ వరల్డ్ ప్రీమియర్ ప్రమోషన్స్ లో ఆమె కట్టు బొట్టు అంద‌రిని ఆశ్చ‌ర్య‌ప‌రిచాయి. వారం రోజుల క్రితం జ్వరం, తీవ్ర నీరసమని చెప్పిన సమంత విదేశాలకు ఎలా వెళ్లారని, అక్క‌డ అంత ఉత్సాహంగా ఎలా ఉంద‌ని ప‌లువురు ఆశ్చ‌ర్యం వ్య‌క్తం చేస్తున్నారు. సమంత అనారోగ్య కథలు అంతా ఒట్టిదే. ఆమె చెప్పే మాటల్లో నిజం లేదని విమర్శలు వెల్లువెత్తుతున్నాయి.
