Sai Dharam Tej : ఎన్నో సినిమాల్లో విలన్‌గా.. క్యారెక్టర్ ఆర్టిస్ట్‌గా, హీరోగా న‌టించిన సముద్రఖని తాజాగా పవన్ కళ్యాణ్‌తో ‘బ్రో’ మూవీ తెరకెక్కించి మరోసారి వార్తల్లో నిలిచారు. ఈయన గతంలో మరో రెండు తెలుగు సినిమాలను డైరెక్ట్ చేశారు. ఆన్ ది స్క్రీన్ హీరో శాసిస్తే…బిహైండ్ ద స్క్రీన్ డైరెక్టర్ డిక్టేట్ చేస్తాడు. ఇది సినిమా పుట్టినప్పటి నుంచి వున్న ఫార్ములా. ఇపుడు ఆ ఫార్ములాను కొంత మంది డైరెక్టర్లు బ్రేక్ చేస్తున్నారు. ఎప్పుడు తెర వెనక కూర్చోని హీరోలకు, హీరోయిన్స్‌కు స్టార్ట్, కెమెరా, యాక్షన్ అంటూ డైరెక్ట్ చేసే దర్శకులు ఇపుడు ఆన్ ది స్క్రీన్ అదరగొడుతున్నార. సముద్రఖని కూడా ఇప్పుడు అదే ప‌ని చేశారు.
తమిళంలో సముద్రఖని ముఖ్యపాత్రలో నటిస్తూ దర్శకత్వం వహించిన ఈ సినిమాను తెలుగు నేటివిటికి తగ్గట్టు .. మేనమామ, మేనళ్లుల్లతో ఈ సినిమాను తెరకెక్కడంలో త్రివిక్రమ్ ముఖ్యపాత్ర పోషించారు. సినిమా సక్సెస్ ప‌ట్ల స‌ముద్ర ఖ‌ని సంతోషం వ్య‌క్త చేశారు. డబ్బున్న వాళ్లలో కూడా చాలామంది ప్రశాంతంగా ఉండకపోవడం నేను గమనించాను. ఓ పదేళ్లకు ముందే ప్లాన్ చేసి పెట్టేస్తారు. ఏదో అనుకుంటే .. ఇంకేదో జరుగుతుంది. జీవితం చాలా చిన్నది .. అతిగా ఆలోచించకు .. హాయిగా గడిపేయ్ అనేదే ‘బ్రో’ సినిమా ద్వారా నేను చెప్పింది అని అన్నారు సముద్రఖని.
అయితే మూవీ సక్సెస్ కావ‌డం ప‌ట్ల చిత్ర బృందం సంతోషం వ్య‌క్తం చేస్తూ ఎంజాయ్ చేస్తుంది. ఈ సినిమా సక్సెస్ నేపథ్యంలో ఈ సినిమాకు అన్నీ తానై వ్యవహరించిన త్రివిక్రమ్‌ను చిత్ర యూనిట్ మర్యాద పూర్వకంగా కలిసి అభినందనలు తెలియజేసారు. ఈ సందర్భంగా సాయి ధరమ్ తేజ్‌తో పాటు సముద్రఖని త్రివిక్రమ్‌ను పుష్పగుచ్చంతో అభినందించారు. ఇక వారు మీడియాతో మాట్లాడుతున్న స‌మ‌యంలో ఒక‌రు తెలుగులో సినిమాకి మిక్స్ డ్ టాక్ వ‌చ్చింది కదా అని అడిగారు. దానికి స‌ముద్ర ఖ‌ని అలాంటిదేమి లేద‌న్నారు. సాయిధ‌ర‌మ్ తేజ్ మిక్స్ డ్ టాక్ ఏమి లేదు, ఉంటే పాజిటివ్ టాక్ లేదంటే నెగెటివ్ టాక్ ఉంటుంద‌ని రిపోర్ట‌ర్‌కి పంచ్ ఇచ్చారు.
