Seethakka : తెలంగాణలో భారీ వ‌ర్షాలు కురుస్తున్న‌నేప‌థ్యంలో ప్ర‌జ‌ల పరిస్థితి దారుణంగా మారింది. వరదలు పోటెత్తడంతో ప్రజలు తీవ్ర ఇబ్బందులు పడుతున్నారు. వాగులు, వంకలు పొంగిపొర్లుతుండటంతో వరదల్లో చాలా మంది గల్లంతయ్యారు. ములుగు జిల్లా ఏటూరు నాగారం కొండాయి గ్రామంలో సుమారు వంద మంది వరదల్లో చిక్కుకోగా, . ఆరుగురు గల్లైంతనట్లు తెలిసింది. ఈ మేరకు మలుగుు ఎమ్మెల్యే సీతక్క వారిని రక్షించేందుకు హెలికాప్టర్ ఏర్పాటు చేయాలని ప్రభుత్వాన్ని వేడుకున్నారు. కొండాయి గ్రామమంతా నీట మునిగిందని.. కొందరు గ్రామ పంచాయితీ భవనం ఎక్కి సహాయం కోసం ఎదురు చూస్తున్నారని వారిని కాపాడాలని సీతక్క మీడియా ఎదుట కన్నీరు పెట్టుకోవ‌డం అంద‌రిని క‌లిచి వేసింది.
హెలికాప్టర్ ఇవ్వండని చెబుతూ ఉన్నాం. మంత్రి కేటీఆర్ గారి కోసం మేం ట్రైం చేశాం. మంత్రి సత్యవతి రాథోడ్‌తోనూ మాట్లాడినం. వాగు దాటకం రెస్క్యూ టీం వాళ్ల కావటంలేదు. ఎన్టీఆర్ఎఫ్ బృందాలు వెనక్కి వచ్చేశాయి. ఒక హెలికాప్టర్ ఇచ్చివారిని సురక్షిత ప్రాంతాలకు తరలించాలని కోరుతున్నాం. అటు మూడు గ్రామాల ప్రజలు ఉన్నారు. ముఖ్యంగా వంద మంది చాలా డేంజర్‌లో ఉన్నరు. ఆరుగురు కొట్టుకుపోయినట్లు తెలిసింది. యుద్ధప్రతిపాదికన ఈ ప్రాంత ప్రజలను కాపాడటం కోసం హెలికాప్టర్‌ను ఇవ్వాలి. ఈ ఊర్ల చూట్టూ చెరువులు, వాగులే ఉన్నయ్. ఇప్పటికే పలు గ్రామాల్లో కుటుంబాలు కొట్టుకుపోయినయ్.
ఏటూరు నాగారం కొండాయిలో ఆరుగురు కొట్టుకుపోయారు. మరో వంద మంది ప్రమాదంలో చిక్కుకున్నార చుట్టూ వాగులే ఉన్నయ్. వాళ్లు ఎటూ రాలేని పరిస్థితి. ప్రభుత్వం ప్రత్యేక శ్రద్ధ వహించి ములుగు ప్రాంతాలనికి ప్రత్యేకంగా హెలికాప్టర్ ఏర్పాటు చేసి వారి కాపాడాలని చేతులెత్తి మెుక్కుతున్నా అని సీతక్క కన్నీరు పెట్టుకున్నారు. ఎమ్మెల్యే సీతక్క వీడియోల‌కు కౌంట‌ర్ గా తాను ఇటీవ‌ల అమెరికా వెళ్లిన విమానం ఫోటోలు పెడుతూ.. సీతక్క పేద‌రికంలోనే ఉంటే స్పెష‌ల్ జెట్ ఎక్క‌డిది? అంటూ ప్ర‌శ్నించారు.
