Rorschach Movie : ఇటీవ‌ల మ‌ల‌యాళ సినిమాల‌కి మంచి ఆద‌ర‌ణ ల‌భిస్తున్న విష‌యం తెలిసిందే. అక్టోబర్‌ 7న థియేటర్లలో గ్రాండ్‌గా విడుదలైన రోస్‌చాక్ అనే సస్పెన్స్‌ సైకలాజికల్‌ థ్రిల్లర్ సూపర్‌ డూపర్‌ హిట్‌గా నిలిచింది. మమ్ముట్టి నటనకు తోడు సినిమాలోని థ్రిల్లింగ్‌ అంశాలు ప్రేక్షకులను కట్టి పడేశాయి. ఇప్పటికీ థియేటర్లలో అలరిస్తోన్న ఈ మూవీ ప్రముఖ ఓటీటీ ప్లాట్‌పామ్‌ డిస్నీ ప్లస్‌ హాట్‌స్టార్ లో నవంబర్‌ 11 నుంచి స్ట్రీమింగ్ అవుతుంది.. మలయాళంతో పాటు తెలుగు, తమిళ్, హిందీ భాషల్లో ఈ సినిమా అందుబాటులో ఉంది.
మమ్ముట్టి తన సొంత నిర్మాణ సంస్థపై రోస్‌చాక్‌ను నిర్మించాడు. నిశం బషీర్‌ దర్శకత్వం వహించాడు. మిధున్‌ ముకుందన్‌ సంగీతం అందించగా కిరణ్‌ దాస్‌ ఎడిటర్‌గా పని చేశాడు. అసిఫ్‌ అలీ, షరఫ్‌ ఉధీన్‌, గ్రేస్‌ ఆంటోని కీలక పాత్రల్లో నటించారు. ఇక కథ విషయానికొస్తే.. ల్యూక్ ఆంటోని అనే ఎన్‌ఆర్‌ఐ బిజినెస్ మ్యాన్‌ పాత్రలో మమ్ముట్టి నటించాడు. తన కుటుంబంతో సహా దుబాయ్ నుంచి వెకేషన్ కోసం కేరళ‌కు వస్తాడు. అక్కడ జరిగిన ఓ ప్రమాదంలో స్పృహ కోల్పోగా, మెలకువ వచ్చాక భార్య పక్కన కనిపించదు. పోలీస్‌ స్టేషన్‌కు వెళ్లి ఫిర్యాదు చేస్తే పులి బారిన పడి చనిపోయిందని కేసును మూసివేస్తారు.
కనిపించకుండా పోయిన అతని భార్య చనిపోయిందా? బతికే ఉందా? అని తెలుసుకోవాలంటే రోస్‌చాక్ సినిమాను చూడాల్సిందే. ఇందులో ముమ్మట్టి లూక్ అంటోనిగా కనపడతాడు. ఇందులో ఒక్కో మెలిక వీ డే క్రమంలో రకరకాల అనుభూతులు,అనుభవాలు చోటు చేసుకుంటాయి. తర్వాత ఎన్నో షాకింగ్ సంఘటనలు జరుగుతాయి. అవి ప్రేక్షకుడుని కూర్చోబెడతాయి. ఈ సినిమా రైట్స్ కోసం మన నిర్మాతలు ఉత్సాహపడుతున్నట్లు సమాచారం. ఎక్కువ రేటే చెప్తున్నారని, త్వరలోనే ఓ పెద్ద హీరోతో రీమేక్ చేసే అవకాసం ఉందని అంటున్నారు. ఆ హీరో చిరంజీవి లేక నాగార్జున అనేది తెలియాల్సి ఉంది.
