Allu Aravind : ప్ర‌స్తుతం టాలీవుడ్‌లో ల‌క్కీ ప‌ర్స‌న్ ఎవ‌రంటే అల్లు అరవింద్ పేరు ముందుగా గుర్తొస్తుంది. ఆయ‌న తీసే సినిమాలు చేసే షోస్‌కి మంచి రెస్పాన్స్ వ‌స్తుంది. బాల‌కృష్ణ హోస్ట్‌గా అల్లు అరవింద్ స్టార్ట్ చేసిన అన్‌స్టాప‌బుల్ షో నాన్‌స్టాప్ గా దూసుకుపోతుంది. ఇక అల్లు అరవింద్ ఎక్కువ‌గా డ‌బ్బింగ్ సినిమాల‌పై దృష్టి సారిస్తున్నారు. రీసెంట్‌ గా ధనుష్‌ డ్యూయల్‌ రోల్ లో నటించిన ‘నేనే వస్తున్నా’ అనే తమిళ్ డబ్ మూవీ రైట్స్‌ కొన్నా ఆ మూవీ ఏ మాత్రం ఆడలేదు. కానీ వెంటనే కన్నడ సెన్సేషనల్‌ మూవీ కాంతారని తెలుగులో డబ్ చేసి రిలీజ్‌ చేయడంతో అల్లు అరవింద్ కి లాభాల పంట పండింది. తెలుగు సినిమాలు కూడా ఆ చిత్రానికి పోటీ ఇవ్వ‌లేక‌పోవ‌డంతో కాంతార బాగానే వ‌సూళ్లు రాబ‌ట్టింది.
తాజాగా ఇప్పుడు ఒక బాలీవుడ్ సినిమాని తెలుగులో డబ్ చేసి విడుదల చేయాలని ప్రయత్నాలు చేస్తున్నారట. హిందీలో వరుణ్ ధావన్ మరియు కృతి సనన్ హీరో హీరోయిన్లుగా నటిస్తున్న “భేడియా” సినిమా త్వరలోనే ప్రేక్షకుల ముందుకు రాబోతోంది. ఈ సినిమాలో ఉన్న విజువల్ ఎఫెక్ట్స్ చాలా బాగున్నాయి అని ప్రేక్షకులు ప్రశంసిస్తున్నారు. ఈ సినిమాలో ఉన్న కామెడీ కూడా చాలా బాగుందని ఎంత ఫాంటసీ ఎలిమెంట్లు ఉన్నప్పటికీ సినిమా ఒక కమర్షియల్ ఎంటర్టైనర్ అని తెలుస్తోంది. అల్లు అరవింద్ గీత ఆర్ట్స్ పతాకంపై ఈ సినిమాని తెలుగులో కూడా విడుదల చేయబోతున్నారు.
తెలుగులో ఈ సినిమాని “తోడేలు” అనే టైటిల్ తో విడుదల చేస్తున్నట్లు సమాచారం. ఈ సినిమా నవంబర్ 25న తెలుగు రాష్ట్రాల్లో భారీ స్థాయిలో విడుదల కానుంది . ఈ సినిమా కూడా కాంతారా లాగే అల్లు అరవింద్ కి బిగ్గెస్ట్ లాభాలు తీసుకొస్తుందని ..సినీ విశ్లేషకులు భావిస్తున్నారు. స్ట్రైట్ సినిమాలు చేసి కొంద‌రు చేతులు కాల్చుకుంటున్న స‌మ‌యంలో అల్లు అరవింద్ డబ్ చేసి సినిమాలను నిర్మిస్తూ కోట్లలల్లో లాభాలు అందుకుంటున్నాడు. కాంతార చిత్రాన్ని 3 కోట్ల రూపాయ‌ల‌కు కొనుగోలు చేసి దాదాపు 60 కోట్ల ప్రాఫిట్స్ పొందాడ‌నే టాక్ ఉంది.
