Roja : సినిమాల్లో ఓ వెలుగు వెలిగిన రోజా ఆ తర్వాత క్యారెక్ట‌ర్ ఆర్టిస్ట్‌గా కూడా పలు సినిమాలు చేసింది. అనంత‌రం జ‌బ‌ర్ధ‌స్త్‌తో పాటు పలు షోల‌కి జ‌డ్జిగా వ్య‌వ‌హ‌రించింది. ఇక రాజ‌కీయాల‌లోను తనదైన శైలిలో దూసుకుపోతుంది. ఏపీ పర్యాటక శాఖా మంత్రిగా బాధ్యతలు నిర్వర్తిస్తోన్న ఆమె ప్రస్తుత పాలిటిక్స్‌లో ఫైర్‌బ్రాండ్‌గా కొనసాగుతూ ప్రత్యర్థులపై తనదైన శైలిలో విమర్శలు చేస్తూ వార్తల్లో నిలుస్తుంది. అయితే రోజా తాజాగా తన ప‌ర్స‌న‌ల్ లైఫ్‌కి సంబంధించి ఆసక్తికర విషయాలు తెలియ‌జేసి అంద‌రిని ఆశ్చ‌ర్యంలో ప‌డేశారు.
చామంతి సినిమా షూటింగ్ సమయంలో సెల్వ‌మ‌ణితో ప్రేమ‌లో ప‌డ్డ రోజా అనంత‌రం పెద్దల అంగీకారంతో ఒక్కటయ్యారు. వీరి వైవాహిక బంధానికి గుర్తింపుగా అన్షుమాలిక్ అనే కుమార్తె, కృష్ణ కౌశిక్‌ అనే కుమారుడు ఉన్నారు. కాగా రోజాకున్న అనారోగ్య సమస్యల కారణంగా ఒకనొక సందర్భంలో ఆమెకు పిల్లలు పుట్టరని వైద్యులు చెప్పారట. అయితే భగవంతుని దయ వల్ల తనకు అమ్మనయ్యే అవకాశం దక్కిందని చెప్పుకొచ్చారు. అంతర్జాతీయ మహిళా దినోత్సవం సందర్భంగా ఓ ఛానెల్‌ ఇంటర్వ్యూకు హాజరైన ఆమె తన వృత్తి, వ్యక్తిగత జీవితాలకు సంబంధించి పలు ఆసక్తికర విషయాలు తెలియ‌జేస్తూ.. తనకు ఫైబ్రాయిడ్ సమస్య ఉంది అని చెప్పింది.
నాకు పిల్లలు పుట్టరని వైద్యులు చెప్పేశారు. ఈ విషయం తెలిసిన తర్వాత 2000 సంవత్సరంలో లాప్రోస్క్రోపీ సర్జరీ జరిగింది. ఇది జరిగిన రెండేళ్లకు అంటే 2002లో మా పెళ్లయింది. 2003లో నాకు పాప (అన్షు మాలిక్‌) పుట్టింది. అయితే గర్భం దాల్చగానే ఆ విషయాన్ని మా డాక్టర్‌కు చెప్పాను. దాంతో తెగ సంతోషించింది.నీ ప్రార్థనలు దేవుడు విన్నాడు. అందుకే నిన్ను కరుణించాడని హర్షం వ్యక్తం చేసింది. అసలు పిల్లలు పుట్టే అవకాశం లేదు అనుకుంటున్న సమయంలో అన్షు నా కడుపున పుట్టింది. అందుకే నాకు పాపంటే ప్రాణం.. నా ఇద్దరు పిల్లలకు వారికి నచ్చినట్లే వారి జీవితాలు ఉండాలనుకుంటాను’ అంటూ ఎమోష‌న‌ల్ కామెంట్స్ చేసింది రోజా.
