Rohit Sharma : టీమిండియా కెప్టెన్, ముంబయి ఇండియన్స్ కెప్టెన్ రోహిత్ శర్మ ఐపీఎల్ రికార్డులు తిరగరాస్తున్నాడు. 16 సీజన్లకు అత్యధికంగా డబ్బులు ఆర్జించిన ఆటగాడిగా నిలిచాడు. చెన్నై సూపర్‌ కింగ్స్‌ నాయకుడు ఎంఎస్ ధోనీని రెండో స్థానానికి నెట్టేశాడు. రాబోయే రెండు సీజన్లు ఆడితే హిట్‌మ్యాన్‌ ఖాతాలో మరింత సొమ్ము జమ ఖావ‌డం ఖాయం అంటున్నారు. రోహిత్ శర్మ గత 16 ఏళ్లలో ఐపీఎల్ ద్వారా మొత్తం 178.6 కోట్ల రూపాయలు సంపాదించ‌గా, మహేంద్ర సింగ్ ధోని ఇన్నేళ్లలో ఐపీఎల్ ద్వారా రూ.176.84 కోట్లు మాత్ర‌మే ఆర్జించాడు. ఐపీఎల్‌లో సంపాదనలో రోహిత్-ధోనీ తర్వాత విరాట్ కోహ్లీ మూడో స్థానంలో నిలిచాడు. 16 ఐపీఎల్ సీజన్ల ద్వారా విరాట్ ఇప్పటివరకు రూ.173.2 కోట్లు సంపాదించాడు.
ప్రపంచంలోనే అత్యధిక మంది వీక్షించే క్రికెట్‌ లీగ్‌ ఐపీఎల్ కాగా, ఇది 2008లో ఆరంభమైంది. ఆ నాటి నుంచి కొత్త రికార్డులు సృష్టిస్తోంది. ఉన్న వాటిని బద్దలు కొడుతోంది. ఈ భూమ్మీద అత్యంత విలువైన క్రికెట్‌ టోర్నీగా ఎదగ‌డంతో పాటు ఆటగాళ్లకు ఫీజు చెల్లించడం నుంచి ప్రసార హక్కుల వరకు వేల కోట్ల రూపాయల్లోనే డీల్ చేస్తుండ‌డం అంద‌రిని ఆశ్చ‌ర్య‌పరుస్తుంది. ఈ మధ్యే ఐపీఎల్ విలువ దాదాపుగా రూ.లక్ష కోట్లకు చేరువైంది. భారత జీడీపీ పెరుగుదలకు ఇతోధికంగా సాయపడుతోంది. అలాగే స్టార్‌ క్రికెటర్ల ఇంట డబ్బుల వర్షం కూడా కురిపించింది.
ఇటీవల కొచ్చి వేదికగా జరిగిన ఐపీఎల్ 2023 మినీ వేలం జ‌ర‌గ‌గా, ఇంగ్లాండ్ యువ ఆల్ రౌండర్ సామ్ కరన్(రూ.18.50 కోట్లు) ఐపీఎల్ చరిత్రలోనే అత్యధిక ధర పలికిన ఆటగాడిగా రికార్డు సృష్టించాడు. అయితే మనీబాల్ నివేదిక ప్రకారం.. ముంబై ఇండియన్స్ కెప్టెన్ రోహిత్ శర్మ గత 16 ఏళ్లలో ఐపీఎల్ ద్వారా ఎక్కువ మొత్తం ఆర్జించ‌గా, త‌ర్వాతి స్థానాల‌లో ధోని, కోహ్లీ, సురేష్ రైనా, రవీంద్ర జడేజా, సునీల్ నరైన్ ఉన్నారు. ధోనీ గత ఐపీఎల్ సీజన్‌లో ధోనీ తన వేతనాన్ని రూ.12 కోట్లకు తగ్గించుకున్నాడు. దీంతో అతను అగ్రస్థానాన్ని కోల్పోయాడు. ఇక ఐపీఎల్ ద్వారా ఎక్కువ మొత్తం సంపాదించిన టాప్-10 క్రికెటర్లు.. (2008 – 2022) చూస్తే.. 1) రోహిత్ శర్మ – 178.6 కోట్లు 2) ఎంఎస్ ధోని – 176.84 కోట్లు 3) విరాట్ కోహ్లీ – 173.2 కోట్లు 4) సురేష్ రైనా – 110 కోట్లు 5) రవీంద్ర జడేజా – 109 కోట్లు 6) సునీల్ నరైన్ – 107.2 కోట్లు 7) ఎబి డివిలియర్స్ – 102.5 కోట్లు 8) గౌతమ్ గంభీర్ – 94.62 కోట్లు 9) శిఖర్ ధావన్ – 91.8 కోట్లు 10) దినేష్ కార్తీక్ – 86.92 కోట్లు ఉన్నారు.
