Upasana : మెగా ఫ్యామిలీలో మ‌రి కొద్ది రోజుల‌లో మరో వేడుక జ‌ర‌గ‌నున్న విష‌యం తెలిసిందే. మెగా అభిమానులకు రామ్‌చరణ్‌-ఉపాసన దంపతులు తల్లిదండ్రులు కాబోతున్నట్లు ఇటీవ‌ల చిరంజీవి చెప్పుకొచ్చిన విష‌యం తెలిసిందే. తనకు ఇష్టమైన దైవం శ్రీఆంజనేయ స్వామి ఆశీస్సులతో రామ్ చరణ్, ఉపాసన దంపతులు తమ మొదటి బిడ్డకు జన్మనివ్వబోతున్నట్లు మెగాస్టార్ సంతోషం వ్యక్తం చేశారు. రామ్ చరణ్, ఉపాసన కామినేని వివాహం జూన్ 14, 2012న హైదరాబాద్‌లో అంగరంగ వైభవంగా జర‌గ‌గా, వివాహం జరిగిన దశాబ్దం తర్వాత చిరంజీవి ఇంట్లో ఆనందం వెల్లివిరియబోతోంది. దీంతో మెగా అభిమానులు కూడా తెగ ఆనందం వ్యక్తం చేస్తున్నారు.
అయితే 2022లో ఉపాసన అభిమానుల‌కి మంచి గుడ్ న్యూస్ చెప్పింది.ఈ క్ర‌మంలోనే తన భర్త రామ్ చరణ్ తో న్యూ ఇయర్ వేడుుకలు గ్రాండ్ గా సెలబ్రేట్ చేసుకోవడం కోసం రెడీ అవుతుంది ఉపాసన. ఇక ఫ్రెండ్స్ తో కలిసి సరదాగా ఇయర్ ఎండ్ పార్టీని సింపుల్ గా జరుపుకుంది. ఇందుకు సంబంధించిన ఫొటోలు నెట్టింట తెగ హ‌ల్‌చ‌ల్ చేస్తున్నాయి. మెగా కోడలిగా.. రాంచరణ్ భార్యగా మాత్రమే కాకుండా.. సోషల్ వర్కర్ గా ఉపాసన ఎంద‌రో మ‌న‌సుల‌ని గెలుచుకుంది.. తనకంటూ స్పెషల్ ఫ్యాన్ బేస్ ను కూడా సాధించిన ఉపాసన అపోలో హాస్పిటల్స్ లో కీలక పదవిలో కూడా కొన‌సాగుతుంది. ఇటీవ‌ల ప్రెగ్నెన్సీ టైంలో లేడీస్ వేసుకోవల్సిన డ్రెస్ లు.. ఒత్తిడిలేనటువంటింది సెలక్ట్ చేసుకుని మరీ.. కొనుగోలు చేసిందట ఉపాసన.
రామ్ చరణ్ ప్రస్తుతం ఆర్ఆర్ఆర్ సినిమా తర్వాత శంకర్ దర్శకత్వంలో ఓ సినిమా చేస్తున్నారు. దిల్ రాజు దీన్ని నిర్మిస్తున్నారు. ఇప్పటికే సగం షూటింగ్ పూర్తిచేసుకుంది. భారతీయుడు2 కూడా పట్టాలెక్కడంతో ఇప్పటికే పూర్తవ్వాల్సిన సినిమా వాయిదా పడింది. షూటింగ్ స్లోగా నడుస్తోంది. మరోవైపు బుచ్చిబాబు దర్శకత్వంలో మరో సినిమాను చేయబోతున్నారు. కబడ్డీ నేపథ్యంతో గ్రామీణ వాతావరణంలో ఈ సినిమాను నిర్మించబోతున్నారు. ఉపాసన అపోలోలో కీలకమైన బాధ్యతలను నిర్వర్తిస్తూనే సామాజిక కార్యక్రమాల్లో చురుగ్గా పాల్గొంటున్న విష‌యం తెలిసిందే.
