RGV Chiranjeevi Movie Song : చిరంజీవి, టబు కాంబినేష‌న్‌లో వ‌ర్మ చిత్రం.. ఆ మూవీలోని సాంగ్ అదిరిందిగా..!

RGV Chiranjeevi Movie Song : మెగాస్టార్ చిరంజీవి ఆ నాటి త‌రం ద‌ర్శ‌కులు అంద‌రితో క‌లిసి ప‌ని చేశారు. కొంద‌రితో ఎక్కువ చిత్రాలు కూడా చేశారు. అందులో కొన్ని హిట్స్ మ‌రి కొన్ని సూప‌ర్ డూప‌ర్ హిట్స్, ఇంకొన్ని ఫ్లాప్స్ ఉన్నాయి. అయితే శివ సినిమాతో సెన్సేష‌న్ క్రియేట్ చేసిన రామ్ గోపాల్ వ‌ర్మతో మాత్రం చిరు ఒకే ఒక్క సినిమా చేయ‌గా, అది కూడా విడుద‌ల కాలేదు. మెగాస్టార్ చిరంజీవి హీరోగా టబు హీరోయిన్ పాత్రలో రామ్ గోపాల్ వర్మ దర్శకత్వంలో “వినాలని ఉంది” అనే సినిమాను అధికారికంగా ప్రకటించారు.ఈ సినిమాకు రాంగోపాల్ వర్మ దర్శకత్వం వహించగా మణిశర్మ సంగీత దర్శకత్వం వహించారు.

ఈ విధంగా రాంగోపాల్ వర్మ దర్శకత్వంలో చిరంజీవి టబు హీరో హీరోయిన్లుగా తెరకెక్కిన వినాలని ఉంది చిత్రం కొన్ని షెడ్యూల్ చిత్రీకరణ జరుపుకునే ఆ తర్వాత అర్ధంతరంగా ఆగిపోయింది.అయితే ఈ సినిమా మధ్యలో ఆగిపోవడానికి గల కారణం ఏంటి అనే విషయానికి వస్తే చిరంజీవితో సినిమా మొదలు పెట్టిన తర్వాత రామ్ గోపాల్ వర్మకు బాలీవుడ్ ఇండస్ట్రీలో అవకాశాలు వస్తున్నాయంటూ రాంగోపాల్ వర్మ బాలీవుడ్ ఇండస్ట్రీ వైపు వెళ్లడం వల్ల ఈ సినిమా ఆగిపోయిందనే వార్తలు వచ్చాయి. అది కాకుండా రామ్ గోపాల్ వర్మ స్క్రిప్ట్ పై చిరంజీవి గారికి అనుమానం రావడం చేత స్క్రిప్టులో కొన్ని మార్పులు చేయాలని చిరంజీవి చెప్పినప్పటికీ వర్మ వినకపోవడంతో ఈ సినిమాను మధ్యలోనే ఆపినట్లు కూడా వార్తలు వినిపించాయి.

ఏది ఏమైన ఈ కాంబోలో సినిమా మిస్ కావ‌డం మాత్రం ఫ్యాన్స్‌ని ఎంత‌గానో బాధించింది. అయితే ఇటీవ‌ల సినిమా నుండి సాంగ్ విడుద‌ల చేశారు. ఇందులో ట‌బు, చిరంజీవి ఇద్ద‌రు చాలా స్టైలిష్‌గా డ్యాన్స్ లు చేశారు. చిరంజీవి స్టెప్స్ మాత్రం ఫ్యాన్స్ ఫుల్ ఖుష్ అయ్యేలా చేస్తుంది. ఇటీవ‌ల వ‌ర్మ‌.. చిరుతో పాటు మెగా ఫ్యామిలీపై తెగ విమ‌ర్శ‌లు గుప్పిస్తున్నారు. ఈ సినిమా స‌మ‌యంలోనే వ‌ర్మ‌.. చిరంజీవిపై కోపం పెంచుకోగా, దాని వ‌ల్ల‌నే ఇప్పుడు త‌న కోపాన్ని ఇలా ప్ర‌ద‌ర్శిస్తున్నాడ‌ని అంటున్నారు.