Renu Desai : పవన్ కళ్యాణ్ మాజీ భార్య, ప్ర‌ముఖ న‌టి రేణూ దేశాయ్ గురించి ప్ర‌త్యేకంగా చెప్ప‌న‌క్క‌ర్లేదు. ‘బద్రి’ సినిమాతో తెలుగు చలనచిత్ర పరిశ్రమలోకి వచ్చి మంచి గుర్తింపు తెచ్చుకుంది . తన సినిమాల గురించి, వ్యక్తిగత విషయాల గురించి సోషల్ మీడియా ద్వారా అభిమానులకు తరుచుగా సమాచారాన్ని అందిస్తూ వ‌స్తుంటుంది రేణూ. ఆ మ‌ధ్య తన అనారోగ్య సమస్యపై రేణూ దేశాయ్ పోస్ట్‌ పెట్టింది. త్వరలోనే కోలుకొని సాధారణ స్థితికి వస్తానని ఆశిస్తున్నట్లు తెలిపింది. గత కొన్ని సంవత్సరాలుగా గుండె సంబంధ సమస్య, మరికొన్ని ఇతర అనారోగ్య సమస్యలతో బాధపడుతున్నానని చెప్పుకొచ్చింది.
ఇక రీసెంట్‌గా అకీరా పుట్టిన రోజు సంద‌ర్భంగా ఓ ఫోటోను షేర్ చేసింది రేణూ . ఆ ఫోటో లో అఖీరా నంద‌న్ ముఖానికి మాస్క్ పెట్టుకుని ఉన్నాడు. కాగా ఆ ఫోటోకు పవన్ అభిమాని ఒక‌రు మా అన్న కొడుకుని స‌రిగ్గా చూపించండి మేడ‌మ్, మా అంద‌రికి మా అన్న కొడుకును చూడాల‌ని ఆశ‌గా ఉండ‌దా అంటూ కామెంట్ చేశాడు. ఆ కామెంట్ పై రేణూ దేశాయ్ ఫైర్ అయ్యింది. మీ అన్న కొడుకా అకీరా నా కొడుకు..ముందు ప‌ద్ద‌తిగా మాట్లాడ‌టం నేర్చుకోండి. మీరు వీరాభిమానులు కావ‌చ్చు కానీ ప‌ద్ద‌తి గా ఉండ‌టం నేర్చుకోండి అంటూ ఆగ్ర‌హం వ్య‌క్తం చేసింది.
అలా పవన్ అభిమానులు, రేణూ దేశాయ్ మ‌ధ్య సోషల్ మీడియాలో వార్ న‌డుస్తూనే ఉంది. ఈ క్ర‌మంలో పవన్ అభిమానులు రేణు దేశాయ్ కి ఓ సలహా ఇచ్చారు. పవన్ పాలిటిక్స్ లో ఉన్నారు కాబ‌ట్టి ఇమేజ్ డ్యామేజ్ చేయడానికి యాంటీ ఫ్యాన్స్ పవన్ అభిమానుల మాదిరి మీకు తప్పుడు సందేశాలు పంపిస్తున్నారేమో.. అందుకు మీరు ఇంస్టాగ్రామ్ అకౌంట్ సెట్టింగ్స్ అయిన మార్చుకోండి లేదంటే కామెంట్స్ సెక్షన్ ఆఫ్ చేయమని సలహా ఇచ్చారు. దీంతో రేణూ.. సమాజంతో ఇదే ప్రాబ్లమ్. ఎవరి కోసమో నేను మారాలా? మీరు చెప్పినట్లు జీవించడానికి నేను ఏమి తప్పు చేశాను సలహా ఇవ్వడం చాలా ఈజీ. బాధ అనుభవించే వాళ్లకు తెలుస్తుంది.. అంటూ ఎమోష‌న‌ల్ కామెంట్ చేసింది రేణూ.. ప్ర‌స్తుతం ఈ కామెంట్స్ వైర‌ల్‌గా మారాయి.
