Chiranjeevi : మెగాస్టార్ చిరంజీవి యువ హీరోల మాదిరి కొత్త కార్ల‌పై ఆస‌క్తి చూపిస్తూ ఉంటారు. సాధార‌ణంగా యువ హీరోలు ఎప్పటికప్పుడు మార్కెట్లోకి వచ్చే అధునాతనమైన సూపర్ లగ్జరీ కార్లను కొనుగోలు చేయడం మ‌నం గ‌మ‌నిస్తూ ఉంటాం.ఈ విధంగా ఇండస్ట్రీలో స్టార్ హీరోలందరికి గ్యారేజ్ లో ఎంతో ఖరీదైన కోట్ల రూపాయల విలువ చేసే కార్లు ఉంటాయి. అయితే తాజాగా మెగాస్టార్ చిరంజీవి గ్యారేజ్ లోకి మరొక సూపర్ లగ్జరీ కారు వచ్చి చేరింది.ఇప్పటికే ఎన్నో లగ్జరీ కార్లను కొనుగోలు చేసిన మెగాస్టార్ చిరంజీవి తాజాగా మరొక కారును కొనుగోలు చేయడం ఇప్పుడు చ‌ర్చ‌నీయాంశంగా మారింది.
అత్యాధునిక లగ్జరీ వాహనం టొయోటా వెల్ఫైర్ కాగా, షోరూం ధర, లైఫ్‌ ట్యాక్సీ ధరలు కలుపుకుని మొత్తం సుమారు 1.9కోట్ల రూపాయల విలువ ఉంటుంది. బర్నింగ్‌ బ్లాక్‌తో కనులవిందుగా దర్శనమిస్తున్న ఈ వాహనానికి ఆర్టీఏ అధికారులు ఆల్‌-1 నంబర్‌ కేటాయించారు. రూ.4.70లక్షలతో టీఎస్‌09 జీబీ1111 నంబర్‌ను మెగాస్టార్ కైవసం చేసుకోవ‌డం విశేషం. ఇక రిజిస్ట్రేషన్ సర్టిఫికెట్‌(ఆర్‌సీ)కోసం మంగళవారం ఖైరతాబాద్‌ ఆర్టీఏ కార్యాలయానికి మెగాస్టార్ వచ్చారు. ఆర్టీఓ రామచంద్రం సమక్షంలో ఫొటో, డిజిటల్‌ సంతకం తదితర ప్రక్రియ పూర్తి చేశారు.
కొణిదెల చిరంజీవి పేరుతో వాహనం రిజిస్ట్రేషన్ కాగా, ఇండియన్‌ ఫోర్‌ వీలర్‌ మార్కెట్లో బుకింగ్స్‌కు వేచి చూడాల్సిన వాహనం టొయోటా వెల్ఫైర్ కావడం విశేషం. ఇందులో ప్ర‌త్యేక‌త‌లు అద‌ర‌హా అనిపించేలా ఉంటాయి. ఏడుగురు దర్జాగా కూర్చొని జర్నీ చేయొచ్చు. మధ్య వరుసలో వీఐపీ సీట్లు చాలా సౌకర్యవంతంగా ఉంటాయి. భద్రత కోసం ఏడు ఎయిర్‌బ్యాగ్స్ కూడా ఉంటాయి.. ట్విన్‌ సన్‌రూఫ్‌, త్రీజోన్‌ క్లైమేట్‌ కంట్రోల్‌, 13 అంగుళాల ఎంటర్‌టైన్‌మెంట్‌ స్క్రీన్స్ ఇందులో ప్ర‌త్యేక‌త‌లు. ఫ్రంట్‌లో కూడా పది అంగుళాల ఇన్ఫోటైన్‌మెంట్‌ సిస్టమ్‌ కూడా ఉంది. ఈ వాహనం బర్నింగ్‌ బ్లాక్‌, వెల్ఫైర్ పెరల్‌ వైట్‌, గ్రాఫైట్‌ కలర్స్‌లో అందుబాటులో ఉన్నాయి. ఈ వాహనం మైలేజీ గరిష్ఠంగా లీటర్‌కు సుమారు 16.35 కిలో మీటర్లు. దీనికి 2.5 పెట్రోల్‌ ఇంజిన్‌తో పాటు రెండు ఎలక్ట్రిక్‌ మోటార్లు కూడా ఉన్నాయి.
