Ravi Krishna : మెగా మేనల్లుడు సాయి ధరమ్‌ తేజ్‌ చాలా కాలం తర్వాత ‘విరూపాక్ష’ అనే సినిమాతో ప్రేక్ష‌కుల‌ని ప‌ల‌క‌రించాడు. ఈ సినిమాతో అతి పెద్ద విజ‌యాన్ని తన ఖాతాలో వేసుకున్నాడు. నెల రోజుల క్రితం విడుదలైన ఈ సినిమా బాక్సాఫీస్‌ దగ్గర కోట్లు కొల్లగొట్టింది. చాలా కాలం తర్వాత మంచి థ్రిల్లర్‌ మూవీ రావడంతో ఫ్యామిలీ ఆడియెన్స్‌ కూడా బాగా సపోర్ట్‌ చేశారు. ఇటీవలే హిందీ, తమిళ, కన్నడ, మలయాళ భాషల్లో విడుదలై అక్కడ కూడా మంచి కలెక్షన్‌లు రాబట్టింది. ఇటివలే ఈ సినిమా వంద కోట్ల క్లబ్‌లోనూ నిలిచింది. అయితే ఇందులో బిగ్ బాస్ కంటెస్టెంట్ రవికృష్ణ ముఖ్య పాత్ర పోషించి మంచి పేరు తెచ్చుకున్నాడు.
విరూపాక్ష సినిమా రిలీజ్‌కి ముందు చిత్రానికి సంబంధించి జోరుగా ప్ర‌మోష‌న‌ల్ కార్య‌క్ర‌మాలు నిర్వ‌హించారు. ఏలూరులో జ‌రిగిన ఈవెంట్‌లో రవికృష్ణ ప్ర‌తి ఒక్క‌రిని పొగుడుతూ సంయుక్త మీనన్ ని సైతం ఆకాశానికి ఎత్తేశాడు. గోల్డెన్ లెగ్ అని ఆమె ఎంత‌గా క‌ష్ట‌ప‌డుతుందో అని చెప్పుకు వ‌చ్చాడు. అయితే ఆ స‌మ‌యంలో సంయుక్త మీనన్ ఫన్నీ రియాక్ష‌న్ ఇచ్చింది. ఇది చూసిన రవికృష్ణ న‌వ్వేసి ఆ తర్వాత కూడా ఆమెపై ప్ర‌శంస‌ల జ‌ల్లు కురిపించాడు. చిత్రంలో సంయుక్త మీనన్ అద్భుతంగా న‌టించ‌గా, ఆ సినిమా అమ్మ‌డికి మంచి పేరు తెచ్చిపెట్టింది.
తెలుగులో సంయుక్త మీనన్ సైన్ చేసిన మొదటి చిత్రం ‘బింబిసార’. కానీ విడుదలైన ఫస్ట్ మూవీ ‘‘భీమ్లా నాయక్’. పవన్ కళ్యాణ్, రానా హీరోలుగా నటించిన ‘భీమ్లా నాయక్’ లో రానా దగ్గుబాటికి జోడిగా నటించింది. ఆ తర్వాత కళ్యాణ్ రామ్ హీరోగా నటించిన ‘బింబిసార’ మూవీతో పలకరించి అల‌రించింది. ఈ సినిమా సక్సెస్ అయినా ఆ రేంజ్‌లో ఆఫర్స్ మాత్రం రావడం లేదనే చెప్పాలి. తాజాగా ధనుశ్ హీరోగా వెంకీ అట్లూరి దర్శకత్వంలో తెరకెక్కిన ‘సార్’ మూవీతో మరో సక్సెస్‌ను తన ఖాతాలో వేసుకుంది. సాయి ధరమ్‌ తేజ్‌తో కలిసి నటించిన ‘విరూపాక్ష’తో మరో సక్సెస్‌ను తన ఖాతాలో వేసుకుంది. మలయాళం నుంచి వచ్చే హీరోయిన్‌లు చాలా త్వరగా క్రేజ్ తెచ్చుకుంటారు. ఈ క్ర‌మంలోనే సంయుక్త‌కి కూడా త్వ‌ర‌గానే క్రేజ్ ద‌క్కింది.
