మెగాస్టార్ చిరంజీవి న‌టించిన తాజా చిత్రం వాల్తేరు వీర‌య్య. ఈ సినిమా ఎంత పెద్ద హిట్ అయిందో ప్ర‌త్యేకంగా చెప్ప‌న‌క్క‌ర్లేదు. బాక్సాఫీస్ వద్ద ఇప్పటికే రూ.200 కోట్ల మార్క్‌ను క్రాస్ చేసేసింది. ఈ స్పెషల్ మూమెంట్‌ను అభిమానుల సమక్షంలో సెలబ్రేట్ చేసుకోవాలని, ఇంత పెద్ద విజయాన్ని కట్టబెట్టిన ప్రేక్షక దేవుళ్లకు కృతజ్ఞత తెలుపుకోవాలని భావించిన మూవీ టీమ్ హన్మకొండ నగరంలో వాల్తేరు వీర‌య్య విహారం సక్సెస్ మీట్ నిర్వహించింది. శనివారం రాత్రి జరిగిన ఈ వేడుకకు స్థానిక మంత్రి ఎర్రబెల్లి దయాకర్ రావు, పలువురు ఎమ్మెల్యేలు హాజరు కాగా.. ముఖ్య అతిథిగా మెగా పవర్ స్టార్ రామ్ చరణ్ వ‌చ్చారు. ఆ వేడుక‌లో ఆయన చేసిన కామెంట్స్ నెట్టింట వైర‌ల్‌గా మారాయి.
ఆ మధ్య చిరంజీవి, పవన్ కళ్యాణ్‌పై ఏపీ మంత్రి రోజా అనుచిత వ్యాఖ్యలు చేసిన విషయం తెలిసిందే. అలాగే కొందరు ఏపీ పొలిటికల్ లీడర్స్ కూడా ఇలాంటి కామెంట్లు చేయ‌డంతో వారిని ఉద్దేశించి వాల్తేరు వీర‌య్య సక్సెస్ మీట్ వేదిక‌గా వారికి స్వీట్ వార్నింగ్ ఇచ్చారు. సక్సెస్ మీట్‌కు హాజరైన అభిమానగణాన్ని ఉద్దేశిస్తూ.. ‘చిరంజీవి సౌమ్యుడని అందరూ అంటుంటారు. ఆయన క్వైట్‌గా ఉంటేనే ఇంత మంది వచ్చాం. అదే గట్టిగా బిగించి మాట్లాడితే ఏమవుద్దో ఇతరులకు తెలియదు. ఆయన సైలెంట్‌గా ఉంటారేమో కానీ మేము మాత్రం సైలెంట్‌గా ఉండం’ అని వార్నింగ్ ఇవ్వడం ప్రస్తుతం ఇండస్ట్రీలో హాట్ టాపిక్‌గా మారింది.
మొత్తానికి మెగా పవర్ స్టార్ రామ్ చరణ్ చేసిన కామెంట్స్ ఇప్పుడు ఇండ‌స్ట్రీతో పాటు పొలిటికల్ వ‌ర్గాల‌లో కూడా చ‌ర్చ‌నీయాంశంగా మారింది. ఇక వాల్తేరు వీర‌య్య సినిమా ఇంత విజ‌యం సాధించ‌డానికి కార‌ణం అయిన డైరెక్టర్ బాబీ, స్పెషల్ క్యారెక్టర్ చేసిన రవితేజ సహా రాక్‌స్టార్ దేవిశ్రీ ప్రసాద్‌ను చరణ్ ప్రశంసల్లో ముంచెత్తారు. ఇందులో రవితేజ పాత్ర అద్భుతంగా ఉందని, ఆయన పాత్ర ఇంకా లేదనే అసంతృప్తి కలగడంతో వెంటనే ‘ధమాకా’ సినిమా చూసినట్టు తెలిపారు.
