Ram Charan : ఇక్క‌డ అయ్య‌ప్ప మాల‌లో.. అక్క‌డ సూట్ ధ‌రించిన చ‌ర‌ణ్‌.. ఎందుక‌లా..?

Ram Charan : మెగా ప‌వర్ స్టార్ రామ్ చ‌ర‌ణ్ ఆనందానికి అవ‌ధులు లేవ‌నే చెప్పాలి. ఇటీవ‌ల ఆర్ఆర్ఆర్ సినిమాతో బిగ్గెస్ట్ బ్లాక్ బ‌స్ట‌ర్ హిట్ కొట్టిన చ‌ర‌ణ్ మ‌రి కొద్ది రోజుల‌లో తండ్రి ప్ర‌మోష‌న్ కూడా అందుకోబోతున్నాడు. ఇక ప్ర‌స్తుతం అమెరికాలో తెగ సంద‌డి చేస్తున్నారు. అతి త్వరలో జరుగనున్న ప్రపంచ ప్రఖ్యాత ఆస్కార్ అవార్డుల వేడుక కోసం నిన్న అమెరికా బయల్దేరి వెళ్లారు రామ్ చరణ్. ఇక శుక్రవారం హాలీవుడ్ క్రిటిక్స్ అసోసియేషన్ ఫిలిం అవార్డుల ప్రధానోత్సవ కార్యక్రమంలోని ప్రెజెంటర్స్ లో ఒకరిగా వ్యవహరించనున్నారు రామ్ చరణ్.

ఇక అమెరికా ఫేమస్ టివి షో అయిన గుడ్ మార్నింగ్ అమెరికా షో లో కూడా రామ్ చరణ్ కనువిందు చేశారు. కాగా ఆ షో సందర్భంగా న్యూయార్క్ లోని ఫ్యాన్స్ తో కలిసి రామ్ చరణ్ ఒక సూపర్ సెల్ఫీ పిక్ దిగారు. ప్ర‌స్తుతం ఈ పిక్ నెట్టింట వైర‌ల్‌గా మారింది.అయితే రాంచరణ్ ఇండియా నుంచి న్యూయార్క్ వెళ్ళేటప్పుడు స్వామి మాలలో పాదరక్షలు లేకుండా ఎయిర్ పోర్ట్ లో కనిపించారు. కాని న్యూయార్క్‌కి వెళ్లే స‌రికి సూటు, బూటుతో హాలీవుడ్ హీరో మాదిరిగా క‌నిపించారు. ఇది చూసి అంద‌రు అవాక్క‌య్యారు. త‌ప్పు చేశాడా అంటూ అంద‌రు చ‌ర్చ‌లు జ‌రుపుతున్న స‌మయంలో రామ్ చ‌ర‌ణ్ పీఆర్ టీం స్పందించింది.

చరణ్ మాలలో 21 రోజుల దీక్ష పూర్తయిందని, దీక్ష పూర్తయిన తర్వాతే రాంచరణ్ అమెరికాలోని ఆలయంలో మాల తీసేసినట్లు చెబుతున్నారు. అసలు విషయం తెలియడంతో చరణ్ అభిమానులు సంతోషం వ్యక్తం చేస్తున్నారు. స్వామి దీక్ష పూర్తి కావడం, వెంటనే ఆస్కార్ ప్రమోషన్స్ లో పాల్గొనడం వెంటవెంటనే జరగడంతో అభిమానులు సంతోషం వ్యక్తం చేస్తున్నారు. కాగా రామ్ చరణ్ ప్రస్తుతం శంకర్ దర్శకత్వంలో RC 15 మూవీ చేస్తున్నారు. ప్రస్తుతం వేగంగా షూటింగ్ జారుకుంటున్న ఈ మూవీలో కియారా అద్వానీ హీరోయిన్ గా నటిస్తుండగా శ్రీ వెంకటేశ్వర క్రియేషన్స్ బ్యానర్ పై దిల్ రాజు దీనిని పాన్ ఇండియన్ మూవీగా గ్రాండ్ లెవెల్లో నిర్మిస్తున్నారు.