Upasana : చిరంజీవి త‌న‌యుడిగా ఇండ‌స్ట్రీకి ఎంట్రీ ఇచ్చిన రామ్ చరణ్ ఆన‌తి కాలంలోనే స్టార్ హీరోగా పేరు ప్ర‌ఖ్యాత‌లు ద‌క్కించుకున్నాడు. రామ్ చరణ్ ట్రిపుల్ ఆర్ సినిమాతో దేశవ్యాప్తంగా పేరు తెచ్చుకున్నాడు. విదేశాల్లో కూడా మంచి ఫ్యాన్ ఫాలోయింగ్ ఏర్పడింది చరణ్ కు. ప్రస్తుతం స్టార్ డైరెక్ట‌ర్ శంకర్ ద‌ర్శ‌క‌త్వంలో షూట్ చేస్తున్నారు. శంకర్ అటు కమల్ హాసన్ ఇండియన్ 2 ) సినిమా కూడా ఒకేసారి చేస్తుండటంతో చరణ్ సినిమా స్లోగా సాగుతుంది. ఇక శంకర్ సినిమా తర్వాత బుచ్చిబాబు సాన డైరెక్ష‌న్ లో క్రేజీ ప్రాజెక్ట్ చేయ‌నున్నాడు చెర్రీ.అయితే ఈ ఏడాది చ‌ర‌ణ్‌కి ల‌క్కీ ఇయ‌ర్ అని చెప్ప్పాలి.
చరణ్ న‌టించిన ఆర్ఆర్ఆర్ సినిమాకి ఆస్కార్ రావ‌డంతో పాటు ఈ ఏడాదే చరణ్ తండ్రి ప్ర‌మోష‌న్ కూడా అందుకోనున్నాడు. చరణ్ భార్య ఉపాసన ఇటీవలే ప్రెగ్నెంట్ అయిందని, త్వరలో తల్లి కాబోతుందని కొన్ని నెలల క్రితం అధికారికంగా ప్రకటించారు. ఇటీవల చరణ్ పుట్టిన రోజు పార్టీలో బేబీ బంప్ తో కూడా కనపడి అలరించింది ఉపాసన. పెళ్లి అయిన పది సంవత్సరాల తర్వాత ఉపాసన తల్లి కాబోతుండటంతో ఫ్యామిలీతో పాటు మెగా అభిమానులు కూడా సంతోషం వ్యక్తం చేస్తున్నారు. ఉపాసన ప్రెగ్నెంట్ అని చెప్పిన దగర్నుంచి చరణ్ షూటింగ్ లేకపోతే ఉపాసనతోనే టైం గడుపుతున్నాడు. ఉపాసనతో కలిసి ట్రిప్స్ వేస్తున్నాడు.
అయితే మెగా వారసుడు/ వారసురాలి కోసం మెగా కుటుంబంతో పాటు అభిమానులందరూ ఆసక్తిగా ఎదురుచూస్తున్నారు. ఇక గర్భంతో ఉన్న ఉపాసనను ఎంతో జాగ్రత్తగా చూసుకుంటోంది మెగా ఫ్యామిలీ. ముఖ్యంగా రామ్ చరణ్ అనుక్షణం తన భార్య వెంటే ఉంటున్నాడు. ఉప్సీ మొదటిసారి తల్లికానుండడంతో షూటింగ్‌ల నుంచి కూడా విరామం తీసుకుని మరీ తన సతీమణిని చూసుకుంటున్నాడు. కాగా తాజాగా రామ్ చరణ్ క్లోజ్‌ ఫ్రెండ్ శర్వానంద్‌ రిసెప్షన్‌కు జంటగా హాజరయ్యారు చరణ్, ఉపాసన. ఈ సందర్భంగా ఉపాసన చెయ్యి పట్టుకొని రామ్‌చరణ్‌ నడిపించిన తీరు అక్కున్న వారందరినీ ఆకట్టుకుంది. ప్రస్తుతం వీరి ఫొటోలు సోషల్ మీడియాలో వైరల్‌గా మారాయి. ‘క్యూట్‌ కపుల్‌, లవ్లీ కపుల్‌’ అంటూ అభిమానులు, నెటిజన్లు కామెంట్ల వర్షం కురిపిస్తున్నారు.కాగా, రాజ‌స్తాన్‌లో జ‌రిగిన పెళ్లికి రామ్ చరణ్ ఒక్క‌డే హాజ‌ర‌య్యాడు.
