Bhola Shankar : మెగాస్టార్ చిరంజీవి చివ‌రిగా వాల్తేరు వీర‌య్య చిత్రంతో మంచి హిట్ అందుకున్నారు. ప్ర‌స్తుతం ఫ్లాపుల ద‌ర్శ‌కుడు మెహ‌ర్ ర‌మేష్ తో సినిమా చేస్తున్నారు. తమిళ్ లో తెరకెక్కిన వేదలమ్ సినిమాకు రీమేక్ గా వస్తోంది ఈ సినిమా. తమిళ్ లో అజిత్ నటించిన ఈ సినిమా అక్కడ మంచి విజయాన్ని అందుకుంది. అజిత్ కెరీర్ లో వన్ ఆఫ్ ది బిగెస్ట్ హిట్ గా నిలిచిన ఈ మూవీని భోళాశంకర్ అనే టైటిల్ తో రీమేక్ చేస్తున్నారు. ఈ సినిమాలో చిరంజీవి సరసన తమన్నా హీరోయిన్ గా నటిస్తోంది. అలాగే చిరంజీవి సిస్టర్ గా స్టార్ హీరోయిన్ కీర్తి సురేష్ నటిస్తున్నారు. ఇప్పటికే ఈ సినిమా నుంచి విడుదలైన పోస్టర్స్ ప్రేక్షకులను విపరీతంగా ఆకట్టుకున్నాయి.
గత కొద్ది రోజులుగా ఈ సినిమా షూటింగ్ శరవేగంగా జరుగుతోంది. మూవీకి సంబంధించి విడుదలైన పోస్టర్స్ , వీడియోస్ భోళాశంకర్ సినిమా పై భారీ అంచనాలు నెలకొనేలా చేశాయి.అయితే చిరు లీక్స్ పేరుతో చిరంజీవి తన చిత్రాల గురించి కీలక విషయాలు లీక్ చేస్తూ ఫ్యాన్స్ తో షేర్ చేసుకుంటున్నారు. తాజాగా చిరు చేసిన లీక్ క్రేజీగా ఉంది. భోళా శంకర్ చిత్రంలోని సంగీత్ నేపథ్యంలో వచ్చే సాంగ్ కి సంబంధించిన వీడియో చిరు లీక్ చేశారు. సంగీత్ సాంగ్ కోసం కలర్ ఫుల్ గా గ్రాండ్ సెట్ ఏర్పాటు చేశారు. షూటింగ్ కి ఆర్టిస్టులు అంతా సిద్ధంగా ఉన్నారు. ఇక చిరు కీర్తి, తమన్నా లతో ముచ్చట్లు పెట్టుకుని తెగ అల్లరి చేస్తున్నారు.
ఈ సాంగ్ కి శేఖర్ మాస్టర్ కొరియోగ్రాఫర్ చేస్తున్నట్టు అర్ధ‌మ‌వుతుంది.. వీడియోలో ఆయన్ని కూడా చూడవచ్చు. అలాగే కమెడియన్లు వెన్నెల కిషోర్, రఘుబాబు, హైపర్ ఆది, గెటప్ శ్రీను, వైవా హర్ష కూడా కనిపిస్తున్నారు. సెట్ మొత్తం ఆర్టిస్టులు, మెగాస్టార్ హంగామాతో సందడిగా ఉంది. చిరు అయితే కీర్తి సురేష్, తమన్నా లతో ఉంటూ నానా హంగామా చేస్తున్నారు. ఒక సందర్భంలో చిరు కీర్తి సురేష్ గొంతుని సరదాగా పట్టుకోవడం కూడా చూడొచ్చు. సంగీత్ సాంగ్ అయినప్పటికీ ‘జామ్ జామ్ జామ్ జజ్జినక తెల్లార్లు ఆడుదాం తైతక్క’ అంటూ హుషారెత్తించే లిరిక్స్ వినిపిస్తున్నాయి మొత్తానికి వీడియో మాత్రం నెటిజ‌న్స్ ని ఆకట్టుకుంటుంది.
