Lavanya Tripathi : ఆరడుగుల అందగాడు, మెగా ఫ్యామిలీలో విభిన్న కథాంశాలతో సినిమాలు చేసే నటుడిగా మంచి గుర్తింపు తెచ్చుకున్న హీరో వరుణ్ తేజ్ . ఇత‌డు జూన్ 2న ‘అందాల రాక్షసి’గా తెలుగు చలన చిత్ర పరిశ్రమకు పరిచ‌య‌మైన లావణ్య త్రిపాఠిని జూన్ 9న నిశ్చితార్థం జరుపుకున్నాడు. ‘అంతరిక్షం’, ‘మిస్టర్’ సినిమాల్లో వీళ్ళిద్దరూ హీరో హీరోయిన్లుగా నటించారు. మిస్టర్ సినిమా స‌మ‌యంలో వీరిద్ద‌రి మ‌ధ్య ఏర్ప‌డిన ప‌రిచ‌యం ప్రేమ‌గా మారి ఇప్పుడు పెళ్లి వరకు కూడా దారి తీసింద‌ని అంటున్నారు. అయితే వరుణ్ తేజ్ తో లావణ్య త్రిపాఠి ఎంగేజ్‌మెంట్ జ‌రుపుకున్న నేప‌థ్యంలో ఆమెకు సంబంధించిన ప‌లు వీడియోలు నెట్టింట వైర‌ల్‌గా మారుతున్నాయి.
సుమ ఓ సారి స‌ర‌దాగా లావణ్య త్రిపాఠిని త‌న ఎదురుగా కూర్చోపెట్టుకొని స‌ర‌దా ప్ర‌శ్న‌లు అడిగింది. ఆ సంద‌ర్భంలో కాంట్ర‌వ‌ర్సీలు త‌న చుట్టూ వైఫైలా ఉంటాయ‌ని కూడా పేర్కొంది. పార్టీకి వ‌స్తాన‌ని చెప్పి చాలా సార్లు ఎగ్గొట్టాన‌ని చెప్పింది లావణ్య. ఇక చిరంజీవి, ప‌వ‌న్ క‌ళ్యాణ్‌, నిఖిల్ ఈ ముగ్గురిలో ఎవ‌రితో క‌లిసి న‌టిస్తావు అంటే చిరంజీవి గారు అని చెప్పింది. ముగ్గురిలో అత‌ను సీనియ‌ర్ హీరో కాబ‌ట్టి చిరు సార్ తో న‌టిస్తాన‌ని చెప్పింది.అమ్మాయిలు ఎప్పుడు ఎక్కువ‌గా న‌టిస్తార‌ని సుమ అడుగుతూ రెండు ఆప్ష‌న్ లు ఇచ్చింది.
బాయ్ ఫ్రెండ్ తో దొరికిన‌ప్పుడు, స్కూల్ లేదా కాలేజ్ బంక్ కొట్టి పేరెంట్స్ కి దొరికిన‌ప్పుడు లేదా యాంక‌ర్‌కి దొరికిన‌ప్పుడు అని అడ‌గ‌గా అప్పుడు లావణ్య త్రిపాఠి.. ఫ్రెండ్ లీ యాంక‌ర్ క‌దా ఏం కాదు అని న‌వ్వుతూ చెప్పింది. అయితే వీట‌న్నింటిలో ఆమె చిరంజీవితో క‌లిసి న‌టిస్తాన‌ని చెప్ప‌డం ఆస‌క్తిక‌రంగా మారింది. ఇక ఇదిలా ఉంటే తాజాగా జ‌రిగిన నిశ్చితార్థ వేడుక‌లో లావణ్యకు వరుణ్ తేజ్ డైమండ్ రింగ్ తొడగినట్టు సమాచారం. ఇది దాదాపు రూ. 25 లక్షల వరకు ఉన్నట్టు సమాచారం. మరోవైపు లావణ్య కూడా వరుణ్ తేజ్‌కు అదే లెవల్లో నిశ్చితార్ధపు ఉంగరం పెట్టినట్టు మెగా కాంపౌండ్ వర్గాలు చెబుతున్నాయి.
