Rajinikanth : చంద్ర‌బాబుని ప‌రామ‌ర్శించేందుకు వ‌చ్చిన ర‌జ‌నీకాంత్.. బాల‌య్య‌కి ధైర్యం చెప్పిన త‌లైవా..

Rajinikanth : ఏపీ స్కిల్ డెవలప్‌మెంట్ స్కామ్ కేసులో చంద్రబాబు నాయుడు అరెస్టై ప్రస్తుతం జ్యుడిషియల్ రిమాండ్‌పై రాజమండ్రి సెంట్రల్ జైల్లో ఉన్న విష‌యం తెలిసిందే. చంద్రబాబును కలిసేందుకు రజనీకాంత్ రాజమండ్రి వస్తారన్న ప్రచారం గత రెండ్రోజులుగా జరుగుతోంది. ఈ నేపథ్యంలో రజనీకాంత్ ఆదివారంనాడు తమ కుటుంబ కార్యక్రమంలో పాల్గొనేందుకు చెన్నై విమానాశ్రయం నుంచి కోయంబత్తూరుకు బయలుదేరి వెళ్లారు. ఈ సందర్భంగా చంద్రబాబు నాయుడిని కలిసేందుకు ఎప్పుడు వెళ్తారని మీడియా ప్రతినిధులు ప్రశ్నించారు. చంద్రబాబును కలిసేందుకు వెళ్లాలని అనుకున్నానని, అయితే, ఫ్యామిలీ ఫంక్షన్ కారణంగా అది కుదరలేదని రజనీ కాంత్ చెప్పారు.

ఇందుకు సంబంధించిన వీడియోను ఏఎన్ఐ వార్తా సంస్థ ట్వీట్ చేసింది. చంద్రబాబు నాయుడు అరెస్టు విషయం తెలుసుకున్న తమిళ సూపర్ స్టార్ రజనీకాంత్ చంద్రబాబు తనయుడు, టీడీపీ జాతీయ ప్రధాన కార్యదర్శి నారా లోకేశ్‌కు ఫోన్ చేసి పరామర్శించిన విషయం తెలిసిందే. నా మిత్రుడు చంద్రబాబు గొప్ప పోరాటయోధుడు, చేసిన అభివృద్ధి, సంక్షేమమే చంద్రబాబుకు రక్ష. ధైర్యంగా ఉండాలని, త్వరలో‌నే నా మిత్రుడు బయటకు వస్తారని రజనీకాంత్ అన్నారు. అయితే, సోమవారం రాజమండ్రి జైలులో ఉన్న చంద్రబాబుతో ములాఖత్ అయ్యేందుకు రజనీకాంత్ వస్తారని ప్రచారం జరిగింది.

ఇక మాజీ సీఎం చంద్రబాబు నాయుడు ను సీఐడీ అధికారులు అరెస్టు చేసిన విషయం తెలిసిందే. ప్రస్తుతం చంద్రబాబు రాజమండ్రి సెంట్రల్ జైలు లో ఉన్నారు. అయితే, చంద్రబాబు అరెస్టును నిరసిస్తూ తెలుగుదేశం పార్టీ ఆధ్వర్యంలో ఏపీ వ్యాప్తంగా ఆందోళనలు నిర్వహిస్తున్నారు. మరోవైపు చంద్రబాబు అరెస్టు విధానం సరికాదంటూ పలువురు ప్రముఖులు పేర్కొంటూ ఆయనకు మద్దతు తెలుపుతూ వ‌స్తున్నారు. బెంగళూరు, హైదరాబాద్ తో పాటు విదేశాల్లోని పలు ప్రాంతాల్లో ఐటీ ఉద్యోగులుసైతం రోడ్లపైకొచ్చి చంద్రబాబు అరెస్టుకు నిరసనగా ర్యాలీలు నిర్వహిస్తున్న విష‌యం తెలిసిందే.