Pawan Kalyan : రుషి కొండ‌లో ప‌వ‌న్‌.. జ‌గ‌న్ దోపిడీ ఇదే అంటూ..!

Pawan Kalyan : హరితహారం పేరుతో 9 ఏళ్లుగా మొక్కలు, అడవుల్ని పెంచేందుకు తెలంగాణ ప్ర‌భుత్వం ఎంతో ప్ర‌య‌త్నిస్తుంది. వ్యవసాయ భూ విస్తీర్ణం కూడా పెరగడంతో.. హరిత తెలంగాణ దర్శనమిస్తోంది. ఇందుకు పూర్తి విరుద్ధమైన పరిస్థితి ఆంధ్రప్రదేశ్‌లో ఉంది. ఏపీలో అడవుల విస్తీర్ణం తగ్గుతోంది. ప్రభుత్వం అడవుల పెంపకానికి ప్ర‌త్యే చర్యలేవీ చేపట్టట్లేదు. హరితహారం లాంటి కార్యక్రమాలు లేవు. దీనికి తోడు వ్యవసాయ దిగుబడి కూడా పెద్దగా లేదు. ఇలా అన్ని రకాలుగా ఏపీలో పచ్చదనం తగ్గిపోతుండటం పర్యావరణ వేత్తలకు ఆందోళన కలిగిస్తున్న నేప‌థ్యంలో జనసేన పార్టీ.. చెట్ల నరికివేత అంశాన్ని హైలెట్ చేస్తోంది. అయితే విఖపట్నంలోని రుషికొండ పర్యటనకు షరతులతో కూడిన అనుమతి ఇచ్చింది.

జోడుగుళ్ల పాలెం మీదుగా వెళ్లే క్రమంలో 8 వాహనాలకు అనుమతి ఇస్తున్నట్లు పోలీసులు వెల్లడించారు. అయితేఎట్టకేలకు ఆంక్షల మధ్యే రుషికొండను కూడా పరిశీలించారు జ‌న‌సేనాని. అక్క‌డ మీడియాతో మాట్లాడిన ప‌వ‌న్ క‌ళ్యాణ్‌.. ఉత్తరాంధ్రను వైసీపీ పాలకులు దోపిడీ చేస్తున్నారు అని మండిపడ్డారు. రుషికొండపై నిర్మాణాలకు పర్యావరణ శాఖతో పాటు సంబంధిత విభాగాల నుంచి రావాల్సిన అన్ని అనుమతులు వచ్చాయా అని ప్రభుత్వాన్ని పరిశీలించారు. విశాఖలో తుపాన్లు వచ్చినప్పుడు రుషికొండ నగరాన్ని అడ్డుగా నిలబడి కాపాడుతుంది. కాని ఇప్పుడు నిర్మాణాల పేరుతో తగ్గించేస్తే ఆ తరువాత ఎదురయ్యే ప్రకృతి విపత్తుల నుంచి రక్షణ ఎలా ఉంటుంది అని ప్రభుత్వాన్ని ప్రశ్నించారు. రుషి కొండ నిర్మాణం అంతా పుర్తిగా నిబంధనలు ఉల్లంఘించి చేపడుతున్నవే అవి పవన్ కళ్యాణ్ ఆరోపించారు.

ఉత్తరాంధ్రలో ఎన్నో విలువైన భూములు, ప్రకృతి సంపద దాగి ఉందని.. వాటిపై వైఎస్ఆర్ కాంగ్రెస్ పార్టీ నేతల కళ్లు పడ్డాయి అని ఆరోపించారు. ప్రభుత్వ, ప్రైవేటు ఆస్తులను అడ్డగోలుగా దోచుకుంటున్నారు. గతంలో తెలంగాణలో కూడా ఇలాగే భూములు, విలువైన సంపద అంతా ఇలాగే దోచేశారు. ఆంధ్రావాళ్లే తమ సంపదను దోచుకుపోతున్నారు అనే భావనలోకి వచ్చిన తెలంగాణ ప్రజలు తెలంగాణ ప్రత్యేక రాష్ట్రం కోసం ఉద్యమం చేయాల్సి వచ్చిందని గుర్తుచేశారు. జగన్ కు ఇంకా ఎన్ని ఇళ్లు కావాలి అని ప్రశ్నించిన పవన్ కళ్యాణ్.. రాష్ట్ర వ్యాప్తంగా అన్నీ దోచేశాడు అని.. అలాగే ఉత్తరాంధ్రపై కూడా పడ్డారు అని ఏపీ సీఎం జగన్ పై పవన్ కళ్యాణ్ మండిపడ్డారు. ఇక్కడి ప్రజలు శాంతి యుతంగా ఉండటంతో జగన్ సర్కార్ అన్యాయం చేస్తూ ఇక్కడి ప్రజలను, ఆస్తులను దోచుకుంటోంది అని ఆగ్రహం వ్యక్తంచేశారు.